కుంతీ కుమారి!

కరుణశ్రీ గారి మందార మకరందాలు.!

.

కుంతీ కుమారి!

చ.

అది రమణీయ పుష్పవన - మా వనమం దొక మేడ - మేడపై

నది యొక మాఱుమూలగది - ఆ గదితల్పులు తీసి మెల్లగా

పదునయిదేండ్ల యీడుగల బాలిక - పోలిక రాచపిల్ల - జం

కొదవెడి కాళ్ళతోడ దిగుచున్నది క్రిందికి మెట్లమీదుగన్ !

-

ఉ.

కన్ని యలాగె వాలకము కన్పడుచున్నది - కాదు కాదు - ఆ

చిన్ని గులాబి లేత అరచేతులలో - పసిబిడ్డ డున్నయ

ట్లున్నది - ఏమి కావలయునోగద ఆమెకు - అచ్చుగ్రుద్దిన

ట్లున్నవి - రూపురేక - లెవరో యనరా దత డామెబిడ్డయే ! 

-

మ.

" ముని మంత్రమ్ము నొసంగనేల ? ఇడెబో మున్ముందు మార్తాండు ర

మ్మని నే కోరగనేల ! కోరితినిబో ఆతండు రానేల ? వ

చ్చెనుబో కన్నియనంచు నెంచక ననున్ జేపట్టగానేల ? ప

ట్టెనుబో పట్టి నోసంగనేల ? అడుగంటెన్ కుంతి సౌభాగ్యముల్ ".

-

గీ.

"ఈ విషాదాశ్రువులతోడ నింక నెంత

కాల మీ మేను మోతు ? గంగాభవాని

కలుషహారిణి - ఈ తల్లి కడుపులోన

కలిసిపోయెద నా కన్న కడుపుతోడ."

-

ఉ.

పెట్టియలోన నొత్తిగిలబెట్టి నినున్ నడిగంగలోనికిన్

నెట్టుచునుంటి తండ్రి ! యిక నీకును నాకు ఋణంబుదీరె, మీ

దెట్టుల నున్నదో మన యదృష్టము ! ఘోరము చేసినాను నా

పుట్టుక మాసిపోను ! నినుబోలిన రత్నము నాకు దక్కునే !

-


Comments

Popular posts from this blog

'శారద నీరదేందు ఘనసార పటీర మరాళ మల్లికా"పోతన గారి భాగవత పద్యం.!

గజేంద్ర మోక్షం పద్యాలు.

యత్ర నార్యస్తు పూజ్యంతే- రమంతే తత్ర దేవతాః!