పలుకు తేనియలు

  🚩( జరిగిన కథ :-రెండు నెలల పాప మధురలాలస ఆశ్చర్యం కొలిపేటట్టు కళాపూర్ణుడి పుట్టుక వెనక వున్న జన్మజన్మల కథల్నీ వినిపిస్తోంది. అప్పుడు అలఘువ్రతుడితో అక్కడ వున్న నలుగురు పురోహితులూ అతని కొడుకులేనని చెప్తుంది. అతను నమ్మలేకపోతాడు. బట్టతలకీ మోకాలికీ ముడిపెట్టగలిగే ఈ కతలతల్లి అదెలా సాధ్యం చేస్తుందోనని ఆశ్చర్యపడతాడు. ఇక చదవండి.) 🚩 అలఘువ్రతుడి మాటలకు నవ్వుతూ, “అలా జరగటం తప్పదు” అన్నాడు కళాపూర్ణుడు. ఆ పాపని చూసి, “ఇతని పుట్టుపూర్వోత్తరాలు, ఇతనికి ప్రథమాగమాదులు ఎలా కొడుకులో మాకందరికీ వివరంగా చెప్పమ”ని అడిగాడు. “అలాగే!” అని ఆ పాప ఇలా చెప్పింది పాండ్యదేశంలో సోమశర్మ అనే అతను వుండేవాడు. అతని కొడుకు యజ్ఞశర్మ. ఎంత కష్టపడ్డా అతనికి వేదవిద్యలు ఒక్కముక్క ఒంటపట్టలేదని అతను బాధపడుతుంటే, అది మరిపించటానికి అతని తండ్రి నలుగురు గుణవతుల్ని తెచ్చి అతనికి పెళ్ళిచేశాడు. కోడళ్ళందరికీ ఎన్నో ఆభరణాలు, చీరలు, కావలసిన సదుపాయాలన్నీ సమకూర్చాడు. చివరి దశలో అతను కొడుకుని పిలిచి, కోడళ్ళకు వినపడేట్టు చెప్పాడు “మన వంశాచారం అన్నదానం. ఎలాటి పరిస్థితుల్లోనైనా దాన్ని ఆపకుండా నడుపు. దాని వల్ల నీకు నాలుగు వేదాల వంటి కొడుకులు క...

                               🚩 కళాపూర్ణోదయం -7: శల్యాసురుడు!🚩 ( జరిగిన కథ – రెండు నెలల పసిపాప మధురలాలస తన పూర్వజన్మల కథల్ని చెపుతూ కళాపూర్ణుడి తల్లి మగవాడు, తండ్రి స్త్రీ అని చెప్తుంది. అందరూ ఆశ్చర్యంతో అదెలా జరిగిందో చెప్పమంటారు. ఆమె సుముఖాసత్తి మణిస్తంభులు అతని కన్నవారని, ఆ వృత్తాంతం వివరిస్తోంది. సుముఖాసత్తిని మణిస్తంభుడు కాళికాలయంలో బలి ఇచ్చి నప్పుడు ఆమె “నా మాట నిజమయ్యేట్టు చూడు” అని చివరి మాటగా అని మరణించినందువల్ల అది నిజమై ఆమె మాట వరసకి అన్న మాట “నువ్వు స్త్రీవి ఐతే నేను పురుషుడి నౌతాను” అనేది అక్షరాల జరుగుతుంది. అలా సుముఖాసత్తి మణిస్తంభుడి గాను, మణిస్తంభుడు సుముఖాసత్తి గాను రూపాంతరాలు చెందుతారు. ఇక చదవండి) 🚩 “అలా మారిన సుముఖాసత్తీ మణిస్తంభులు సింహవాహనం మీద ఆకాశంలో తిరుగుతూ ఒక అద్భుతమైన నగరాన్ని చూశారు. అప్పుడు సుముఖాసత్తి (రూపంలో వున్న మణిస్తంభుడు) “ఇది ఎంతో మనోహరమైన పురం, నేనిదివరకు ఒకసారి ఇక్కడికి వచ్చాను, ఇక్కడ కొన్నాళ్ళు ఉండి వెళ్దామని అనిపిస్తున్నది” అన్నది. అని తన సింహవాహనాన్ని నేలకు ది...

  🚩🚩 🚩 కళాపూర్ణోదయం -6: బ్రహ్మలోకం!🚩🚩 * ( జరిగిన కథ – సుముఖాసత్తి సుగాత్రి అనీ మణిస్థంభుడే శాలీనుడనీ తేలిపోతుంది. అలఘువ్రతుడనే వాడు కళాపూర్ణుడి కథ తెలులుకోవాలనే కోరికతో భువనేశ్వరీదేవి జపం చేస్తాడు. మణికంధరుడు కలభాషిణిని దేవికి బలిస్తాడు. ఆమె బతికి ద్వారకలో తనవాళ్ళతో కలుస్తుంది. మణికంధరుడు భృగుపాతానికి శ్రీశైలం వెళ్తాడు – తన దగ్గరున్న రత్నమాలికని అలఘువ్రతుడికిచ్చి. రెండేళ్ళ తర్వాత అలఘువ్రతుడు ఎగిరిపోయి ఓ రాజసభలో పడి తన దగ్గరున్న రత్నమాలికని ఆ రాజుకి కానుకగా ఇస్తాడు. దాన్ని అక్కడే తొట్టిలో ఉన్న రెండు నెలల బాలిక మెళ్ళో వేస్తారు. హఠాత్తుగా ఆ బాలికకు పూర్వజన్మ జ్ఞానం కలుగుతుంది. తను క్రితం జన్మలో కలభాషిణి నంటూ అంతకు ఆ జన్మకన్నా ఇంకా ముందటి జన్మలో జరిగిన విశేషాల గురించి చెప్పటం మొదలు పెడుతుంది. ఇక చదవండి.) 🚩 “#సరస్వతీదేవి మందిరంలో నేను ఉండేటప్పుడు ఒక రోజు భవనం బయట ఒక సరస్సు! దాన్లో హంసల బొమ్మలు! మధ్యలో ఒక గొప్ప మాణిక్య స్తంభం! పక్కన బంగారపు సోపానాలు! ఆ సరస్సు పక్కనే లేత కల్ప వృక్షాల నీడలో పూలపానుపు మీద బ్రహ్మ! ఆయన పాదాలు తన తొడల మీద పెట్టుకుని ఒత్తుతూ శారద! హఠాత్తుగా ఆమెని ముద్దాడ...

Add caption   🚩🚩కళాపూర్ణోదయం -5: అలఘువ్రతుడు!🚩🚩 (క్రితం భాగం కథ మణికంధరుడు, కలభాషిణి ఒకరిపై ఒకరికి మొదటి నుంచీ ఉన్న మక్కువ గురించి చెప్పుకున్నారు. ఆ సందర్భంలో మణికంధరుడు అక్కడున్న సుముఖాసత్తి, మణిస్తంభుడు, కలభాషిణిలకు సుగాత్రీ శాలీనుల కథ చెప్పాడు. అంతా విన్నాక “నేనే ఆ సుగాత్రిని” అన్నది సుముఖాసత్తి. శతతాళదఘ్నంలో దూకిన తన భర్త శాలీనుడు ఏమయ్యాడోనని బాధపడింది. ఇక చదవండి.) #మొసలి నోట్లోంచి నిన్ను సురక్షితంగా బయటపడేసిన నీ పాతివ్రత్యం నీ భర్తను కాపాడదా? నేనే ఆ శాలీనుణ్ణి!” అన్నాడు మణిస్తంభుడు! అసలే మోసకారి సిద్ధుడు! అతని మాటలు నమ్మొచ్చునా? తన పాత కథ ఇలా చెప్పుకొచ్చాడు మణిస్తంభుడు “అలా ఏదో పూనినట్టు వెళ్ళి నేను మడుగులో దూకేశాను కదా! కొంతసేపటికి చూస్తే నేను జలస్థంభన విద్యలో ఉన్న ఒక సిద్ధుడి ముందున్నాను. అక్కడతనికో చిన్న ఆశ్రమం! అతను కళ్ళు తెరిచి నా విషయం అడిగి తెలుసుకుని, “మరీ అంత కోపమా!” అని నవ్వి ఆ రోజంతా తన్తో ఉంచుకుని ఎందువల్లనో నా మీద దయతో వయసు పెరగనివ్వని ఒక గొప్ప మణిని, తనెక్కే సింహాన్ని, దాన్ని వశీకరణం చేసుకునే మంత్రాన్ని, ఈ కత్తిని నాకిచ్చి, నాకు వాద విద్యని కూడా అప్పటికప్పుడే...

🚩🚩 కళాపూర్ణోదయం -4: సుగాత్రీశాలీనులు.!🚩🚩 (జరిగిన కథ నారద శిష్యుడు మణికంథరుడు తీవ్రమైన తపస్సు చేస్తుంటే అతని తపస్సు చెడగొట్టటానికి రంభని పంపాడు ఇంద్రుడు. ఈలోగా రంభ ప్రియుడు నలకూబరుడి మీద మనసు పడ్డ కలభాషిణి మణిస్తంభుడనే సిద్ధుడిని ప్రాధేయపడి అతని సింహవాహనం మీద బయల్దేరింది. ఐతే దార్లో అతనామెను దేవికి బలివ్వటానికి ప్రయత్నిస్తే ఆ దేవి వాళ్ళిద్దర్నీ మణికంథరుడి తపోవనం దగ్గర్లో పడేట్టు విసిరేసింది. అక్కడ తను చూసిన చిత్రవిచిత్రాల్ని మళ్ళీ దేవీ ఆలయానికి తిరిగి వచ్చిన మణిస్తంభుడు మిగిలిన వాళ్ళకి వివరిస్తుంటే మాయారంభగా కలభాషిణి, మాయానలకూబరుడిగా మణికంథరుడు ఒకరికొకరు తెలియకుండా కలిసినట్టు అర్థమైంది వాళ్ళకి. ఇక చదవండి.) 🚩 లభాషిణి ఆశ్చర్యానికి అంతులేకుండా పోతోంది! “అదెలా జరిగింది? నేనీ మణిస్తంభుడితో సింహాన్నెక్కి వస్తున్నప్పుడు దార్లోనే ఎదురై రంభ చెలికత్తెలు ఆమె నలకూబరుడితో ఉందని చెప్పారే!” “నిజమే! ఐతే, అప్పుడు రంభతో ఉన్న ఆ నలకూబరుణ్ణి నేనే! అది నా తపస్సు చెడగొట్టి నాతో ఉన్నప్పుడు నలకూబరుణ్ణి తలుచు కోవటంతో నాకు తిక్కరేగి అక్కడినుంచి వెళ్తూ మళ్ళీ దార్లో మనసు మార్చుకున్నా. దాంతో అనుభవించిన సుఖాల...

  🚩 కళాపూర్ణోదయం -3: రంభా గర్వభంగం.! 👉🏿👉🏿👉🏿👉🏿👉🏿👉🏿👉🏿👉🏿👉🏿👉🏿👉🏿👉🏿👉🏿👉🏿👉🏿... (జరిగిన కథ ద్వారకలో కృష్ణుడి దగ్గర సంగీతం నేర్చుకున్నాడు నారదుడు. అతని శిష్యుడు మణికంధరుడు, వాళ్ళకి ద్వారకలో పరిచయమైన కలభాషిణి కూడ సంగీతవిద్యలో ప్రవీణులయ్యారు. నారదుడు రంభకి గర్వభంగం చెయ్యాలనుకున్నాడు. నారదుడి ఉపదేశంతో మణికంధరుడు తీర్థయాత్రలకు బయల్దేరాడు. కలభాషిణి మేడ తోటలో ఆకాశం నుంచి దిగాడో సిద్ధుడు. అతని ద్వారా తన ప్రియుడు నలకూబరుణ్ణి కలుసుకోవాలని అతన్తో బయల్దేరింది కలభాషిణి. వాళ్ళిద్దరూ ఓ దేవి ఆలయం దగ్గర ఆగారు. పూలు తేవటానికి సిద్ధుడు వెళ్తే ఓ ముసలమ్మ వచ్చి కలభాషిణిని అక్కణ్ణించి పారిపొమ్మని హడావుడి చేస్తుంది. ఇక చదవండి.) 🚩 కలభాషిణికి ఒక్క క్షణం ఆమె ఏమంటున్నదీ అర్థం కాలేదు. కానీ వెంటనే తనున్న పరిసరాలు, ఆ సిద్ధుడు వచ్చిన దగ్గర్నుంచి జరిగిన విషయాలు గుర్తొచ్చేసరికి మెల్లగా అర్థం కావటం మొదలుపెట్టింది తన పరిస్థితి. “ఇప్పుడే నీ బాధంతా పోగొడతాను” అన్న మాటకి అర్థం ఏమిటో తెలుస్తోంది! ఆమెకి తన గత జీవితం అంతా ఒక్కసారిగా కళ్ళముందు మెదిలింది. అలాటి బతుక్కి ఇలాటి చావా? “అమ్మా, నువ్వన్నది న...