పలుకు తేనియలు

ఏలవచ్చెనమ్మ కృష్ణుడేల వచ్చెను.! . ఏలవచ్చెనమ్మ కృష్ణుడేల వచ్చెను ఈమాయదారి కృష్ణుడొచ్చి మహిమచూపెను చెట్టుమీఅద బట్టలన్నీ మూతకట్టెను పత్తబోతె దొరకడమ్మ చిన్ని కృష్ణుడు ||ఏల || ఉట్టిమేది పాలు పెరుగు దొ0గలి0చెను కట్టబోతె దొరకడమ్మ చిన్ని కృష్ణుదు

శ్రీకాళహస్తీశ్వర శతకము.........ధూర్జటి...(17/5/15.) . నీ భక్తు ల్పదివేల భంగుల నిను న్సేవింపుచున్ వేడగా లోభంబేటికి , వారి కోర్కులు కృపాళుత్వంబునం దీర్పరా దా భవ్యంబు దలంచి చూడు ,పరమార్ధంబిచ్చి పొమ్మన్న ,నీ శ్రీ భండారములో గొఱంతపడునా? శ్రీ కాళహస్తీశ్వరా ! . శ్రీ కాళహస్తీశ్వరా ! నీ భక్తులు వేలవేల విధాలుగా నిన్ను సేవిస్తూ , పరి పరి విధాల  . ప్రార్ధిస్తుంటే దయతో వారి వారి కోర్కెలను తీర్చకుండా పిసినారితనం గా . ప్రవర్తిస్తున్నావెందుకు ? వారి పుట్టుక , పుణ్యాలను చూచి వారికి మోక్షమిచ్చి పొమ్మన్ననీ ధనాగారానికి లోటు ఏర్పడదు కదా స్వామీ ! మొదలన్ భక్తులకిచ్చినాడవు గదా ! x

శ్రీకృష్ణ శతకం.!........( 17/5/15)... (శ్రీ నరసింహ కవి.). . హరియను రెండక్షరములు హరియించును పాతకముల నంబుజ నాభా హరి నీ నామ మహాత్మ్యము హరిహరి పొగడంగ వశమె హరి శ్రీకృష్ణా! . ప్రతిపదార్థం: అంబుజ నాభా అంటే నాభియందు పద్మం ఉన్న ఓ విష్ణుమూర్తీ!  (శ్రీ కృష్ణా); హరి + అను అంటే ‘హ’ ‘రి’ అనే రెండు అక్షరాలు; పాతకములను అంటే చేసిన పాపాలను; హరియించును అంటే పోగొడతాయి; హరి అంటే హరి అనెడి;  నీ నామ మహాత్మ్యము అంటే నీ పేరులో ఉన్న గొప్పదనం;  హరిహరి అంటే ఆహా; పొగడంగ అంటే స్తుతించడం; వశమె అంటే సాధ్యమగునా! . భావం: ఓ శ్రీకృష్ణా! ‘హ’ ‘రి’ అనే రెండు అక్షరాలను కలిపి పలికినంత మాత్రానే  అంతవరకు చేసిన పాపాలనన్నిటినీ హరిస్తావు.  ఓ శ్రీకృష్ణా! నీ పేరులో ఉన్న గొప్పతనాన్ని వర్ణించి చెప్పటం ఎవ్వరితరమూ కాదు కదా! . హరి అనే రెండు అక్షరాలను స్మరించిన ప్రహ్లాదుడు కష్టాలను అధిగమించాడు.  శ్రీహరిని ధ్యానించిన గజేంద్రుడు మోక్షం పొందాడు.  శ్రీహరికై తపస్సు చేసిన ధ్రువుడు ఆకాశంలో నక్షత్రరూపంలో శాశ్వత స్థానాన్ని పొందాడు. ఇంకా ఎందరో భక్తులు ఆ హర...

శ్రీకాళహస్తీశ్వర శశ్రీకాళహస్తీశ్వర శతకము.........ధూర్జటి...(16/5/15.) . ఆరావం బుదయించె తారకము గా నాత్మాభ్ర వీధి న్మహా కారోంకారమకారయుక్తమగు నోంకారాభి ధానంబు చె న్నారు న్విశ్వమనంగ , తన్మహిమచే నానాద బిందు ల్సుఖ శ్రీ రంజిల్ల గడంగు , నీవదె సుమీ శ్రీ కాళహస్తీశ్వరా ! . శ్రీకాళహస్తీశ్వరా!  ఆత్మ యనే ఆకాశం లో ఆ> ఉ> మ అనే వర్ణాల కలయికతో తారక మంత్రమైన ఓంకారమనే ప్రణవ మావిర్భవించి విశ్వమంతా వ్యాపించింది.  ఆ మహిమ చే విరాజిల్లుతున్న ఆనందమయ నిత్య స్వరూపము నీవే గదా ప్రభూ!తకము.........ధూర్జటి...(16/5/15.) x

కిన్నెరసాని పాటలు.....కల్పన....కవి సామ్రాట్ విశ్వనాథ సత్యనారయణగారు. (16/5/15.) . కిన్నెర మహాపతివ్రత. అందరు తెలుగుకన్నెలకు మల్లేనే ఉద్విగ్నహృదయ. ఎక్కువ తెలుగుకుటుంబాలకు సామాన్యమైన అత్తాకోడళ్ళ పోరాటం ఆ యింట్లోనూ వెలిసింది. కొడుకు సుఖమెరుగని అత్తకు కిన్నెరమీద నిందలారోపించడం పని అయింది. ఒకప్పుడు ఆవిడ చేసిన నింద భరించడం కష్టమైంది. కిన్నెరహృదయం శోకంచేత ప్రళయసముద్రం అయింది. కిన్నెర భర్త ఏంచేస్తాడు? తల్లిని కాదనాలేడు, భార్యను ఓదార్చుకోనూలేడు. ఆవేశహృదయంతో కిన్నెర అడవులవెంట పరుగెత్తింది. భర్తపోయి ఆమెను వద్దని కౌగిలించుకున్నాడు. ఆమె అతని కౌగిట్లోనే కరిగి నీరై వాగై ప్రవహించింది. అతడు శోకించి శోకించి శిల అయినాడు. వనములను దాటి 'వెన్నెల బయలు' దాటి తోగులను దాటి దుర్గమాద్రులను దాటి పులుల యడుగుల నడుగులు కలుపుకొనుచు 'రాళ్ళ వాగు' దాటి పథాంతరములు దాటి అచట కిన్నెరసాని - నా యాత్మయందు నిప్పటికి దాని సంగీతమే నదించు ... .. 2. కిన్నెర పుట్టుక ఓహో కిన్నెరసానీ ఓహో కిన్నెరసానీ ఊహామాత్రము లోపల నేల నిలువవే జవరాలా కరగిపోతి నిలువెల్లను తరలించితి నా జీవము మరిగిపో...

శ్రీకృష్ణ శతకం.!........( 15/5/15)... (శ్రీ నరసింహ కవి.) . నీవే తల్లివిఁ దండ్రివి నీవే నా తోడు నీడ! నీవే సఖుడౌ నీవే గురుడవు దైవము నీవే నా పతియు గతియు! నిజముగ కృష్ణా! . భావం: ఓ కృష్ణా! నువ్వే నాకు తల్లి, తండ్రి. నిరంతరం నన్ను వెంటాడుతూ,  నాకు తోడునీడగా ఉండేది నీవే. నీవే నాకు స్నేహితుడివి. నాకు గురువు,  దేవుడు కూడా నీవే. నీవే నాకు ప్రభువు. నాకు దిక్కు నీవే. నా సమస్తము నీవే. . కృష్ణా అంటే ఓ కృష్ణా; నిజముగ అంటే వాస్తవంగా; నీవే అంటే నువ్వే; నాకు అంటే నిన్ను పూజించే నాకు; తల్లివి అంటే కనిపెంచే తల్లితో సమానం; తండ్రివి అంటే కన్నతండ్రివలె రక్షించేవాడివి; నీవే అంటే నువ్వే; నా తోడు అంటే నాకు సహాయకుడివి; నీడ అంటే వెన్నంటి ఉండే నీడ వంటి వాడివి; నీవే అంటే నువ్వే; సఖుడు + ఔ అంటే ప్రాణమిత్రుడివి;  నీవే అంటే నువ్వే; గురుడవు అంటే అజ్ఞానాన్ని పోగొట్టి జ్ఞానాన్ని ప్రసాదించేవాడివి;  దైవము అంటే దేవుడవు; నీవే అంటే నువ్వే; నా పతియు అంటే నాకు ప్రభువు;  గతియు అంటే దిక్కు. . ఈ ప్రపంచమంతా వ్యాపించి ఉన్నవాడు భగవంతుడని, ఆయనే శ్ర...

శ్రీకాళహస్తీశ్వర శతకము.........ధూర్జటి...(15/5/15.) .ఊరూరం జనులెల్ల భిక్షమిడరో, యుండంగ గుహల్గల్గవో, చీరానీకము వీధులం దొరకదో , శీతామృత స్వచ్ఛ వా: పూరం బేరులం బారదో, తపసులం బ్రోవంగ నీవోపవో? చేరం బోవుదురేల రాజుల జనుల్ ? శ్రీ కాళహస్తీశ్వరా ! . శ్రీకాళహస్తీశ్వరా! నీ భక్తులకు ఊరూర ప్రజలు శివార్పణమని భిక్ష సమర్పిస్తున్నారు కదా !  నివసించడానికి గుహలు ఉండనే ఉన్నాయి కదా ! కట్టుబట్టలు వీధుల్లో లభిస్తాయి కదా ! స్వచ్ఛమైన , తియ్యనైన చల్లని త్రాగునీరు సెలయేరుల్లో ప్రవహిస్తూ దాహార్తిని తీరుస్తోంది కదా ! తాపసులను కాపాడటానికి ఎలాగు నువ్వున్నావు గదా ! మరి వీటన్నింటినీ కాదని మూర్ఖులైన జనం రాజుల పంచన చేరుతున్నారెందుకో ప్రభూ ?