పలుకు తేనియలు

- - పెళ్ళాం-బెల్లం -- పిదప అల్లం ! - ఒంటికణతా నొప్పి ఒరగాలితీపు పంటిపోటూ వద్దు పగవానికైన.! _

మోహముద్గరః -భజ గోవిందం.! ( ఆది శంకరాచార్య) శ్లోకం - 30. - ప్రాణాయామం ప్రత్యాహారం  నిత్యానిత్య వివేకవిచారం| జాప్యసమేత సమాధివిధాన కుర్వవధానం మహదవధానం|| - శ్లోకం అర్ధం :  సద్గురువులను ఆశ్రయించుము, వారి కరుణతో విబుధుడవగుము. ఇంద్రియములపై నిగ్రహమును ఉంచి మనసును గురు చరణములపై ఉంచి, భవ బంధములు త్యాగము చేసి ఆ హరిని గాంచు. - తాత్పర్యము :  ప్రపంచమునందు ఎన్నో తెలియని విషయములు ఉండును. వాటిని తెలుసుకొనుటకు మానవునకు ఒక జీవితము చాలదు. అందులోనూ ఆధ్యాత్మిక విషయములు గురు ముఖముగా విన్నగాని అవగతము కావు. కావున, సత్ గురువును ఆశ్రయించి, మనసును గురు పాద పద్మములపై లగ్నము చేసి, అత్యంత గౌరవము, భక్తితో సేవించిన గురు కృపకు ప్రాప్తుడై, అచిరకాలములో అజ్ఞానము వీడి, సంసార బంధముక్తుడై, సాధన మార్గమును ఎరిగి, ఇంద్రియ నిగ్రహము, మనస్సుపై జయము సంపాదించి ఆత్మసాక్షాత్కారము పొందగలడు. కనుక శ్రీఘ్రముగా పరమాత్మను చేరవలెనన్న సత్ గురువు యొక్క కృప ఎంతయో అవసరము.      -

శివశివా… నిందాస్తుతి! . ఇసుక రేణువులోన దూరియుందువు నీవు బ్రహ్మాండమంతయును నిండియుందువు నీవు . చివురాకులాడించు గాలిదేవర నీవు ఘన కానలను గాల్చు కారుచిచ్చువు నీవు . క్రిమికీటకాదులకు మోక్షమిత్తువు నీవు కాలయమునిబట్టి కాలదన్ను నీవు . పెండ్లి జేయరాగ మరుని మండించినావు పెండ్లియాడి సతికి సగమిచ్చినావు దక్షయాగము ద్రుంచి సురలందరిని గొట్టి వికటాట్టహాసమున భయపెట్టినావు . కడలి చిలుకు వేళ కాలకూటము బుట్ట దాని త్రావి సురల గాచినావు ఈ తిక్క శివునితో వేగలేననుచూ ముక్కంటి కోపాన్ని ఓపలేననుచూ . వదిలిపోదమన్న వేరు దైవము లేదు నీవు తప్ప నాకు గతియు లేదు ఏమిసేతును దేవ సర్దుకొందును లెమ్ము అమ్మవారి నడిగి మసలుకొందు . దూరముగ నీవున్న నా భయము హెచ్చును నాదాపు నుండుటకు నీవొప్పుకొనుము నీ ఆలితో గూడి నాగుండెలోనుండి ఏడేడు లోకాల నేలుకొనుము . నా ఋణము తీర్చుకొన ఇవ్వుమొక చిరువరము నా మనము నీ పదము నుండునటుల .

-రాములవారు! - ఉత్తముని పేరేమి? ఊరి పేరేమి? సత్యపురుషులగన్న సాధ్వి పేరేమి? - ఉత్తముడు దశరథుడు, ఊరు అయోధ్య! సత్యపురుషులగన్న సాధ్వి కౌసల్య. - ఇల్లాళ్ళు ముగ్గురే ఈ దశరథునకు; పిల్లాళ్లు నలుగురే పేరు గలవారు. - అయ్యోధ్యలో వారు అంద రున్నారు; సయ్యోధ్యలో వారు సరిలేని వారు. - శ్రీరామ! జయరామ! శృంగారరామ! కారుణ్య గుణధామ! కల్యాణనామ! - జగతిపై రామయ్య జన్మించినాడు, సత్యమ్ము లోకాన స్థాపించినాడు. తల్లిదండ్రులమాట చెల్లించినాడు, ఇల్లాలితోపాటు హింసపడ్డాడు, - సీతామహాదేవి సృష్టిలోపలను, మాతల్లి వెలసింది మహనీయురాలు. అయ్యోధ్యరామయ్య అన్నయ్య మాకు, వాలుగన్నులసీత వదినమ్మ మాకు. రాములంతటివాడు రట్టుపడ్డాడు, మానవులకెట్లమ్మ మాటపడకుండ! - సీతమ్మ రామయ్య దారిగదిలీతె, పారిజాతపు పువులు పలవరించినవి. సీతపుట్టగనేల! లంకచెడనేల? లంకకు విభీషణుడు రాజుగానేల? - ఏడు ఏడూ యేండ్లు పదునాలుగేండ్లు, ఎట్టులుంటివి సీత నట్టడవిలోను? లక్ష్మయ్య నామరిది రక్షిస్తూఉండ, నాకేమి భయ మమ్మ, నట్టడవిలోను? - దేవునంతటివాడు జననింద పడెను, మానవుం డెంతయ్య మాటపడకుండ? ...

పెళ్లంటే! - పెళ్లంటే కనికట్టు కట్నమంటే బిస్కట్టు కక్కూర్తి పడ్డావో నీ బ్రతుకు హాంఫట్టు సింగిలైతే కింగులాగా కాలరెగరేస్తావ్ పెళ్లమొస్తే లైఫు లాంగు మొగ్గలేస్తుంటావ్!

గజేంద్ర మోక్షం పద్యాలు! (పోతనామాత్యుడు ) - కరి దిగుచు మకరి సరసికి కరి దరికిని మకరి దిగుచు కరకరి బెరయన్ కరికి మకరి మకరికి కరి  భరమనుచును నతల కుతల భటులరుదు పడన్ !! - కలడందురు దీనుల యెడ కలడందురు భక్త యోగి గణముల పాలం గలడందురన్ని దిశలను కలడు కలండనెడు వాడు కలడో లేడో !! - లోకంబులు లోకేశులు లోకస్థులు తెగిన తుది నలోకంబగు పెం జీకటి కవ్వల నెవ్వడు  ఏకాకృతి వెల్గు నతని నే భజియింతున్ !! - ఎవ్వని చేఁ జనించు జగ? మెవ్వని లోపల నుండు లీనమై? ఎవ్వని యందు డిందు? పరమేశ్వరుడెవ్వడు? మూల కారణం బెవ్వ? డనాది మధ్య లయుడెవ్వడు? సర్వము తానె యైన వా డెవ్వడు? వాని నాత్మ భవు నీశ్వరు నే శరణంబు వేడెదన్ !! - లావొక్కింతయు లేదు ధైర్యము విలోలంబయ్యె ప్రాణంబులున్ ఠావుల్ దప్పెను మూర్చ వచ్చె తనువున్ డస్సెన్ శ్రమంబయ్యెడిన్ నీవే తప్ప ఇతః పరంబెరుగ మన్నింపం దగున్ దీనునిన్ రావే ఈశ్వర కావవే వరద సంరక్షింపు భద్రాత్మకా !! - అల వైకుంఠ పురంబులో నగరిలో నా మూల సౌధంబు దా పల మందార వనాంతరామృత సరః ప్రాంతేందు కాంతోపలో త్పల పర్యంక రమా వినోది యగు నాపన్న ః ప్రసన్నుండు వి హ్వల న...

:-ప్రవరుని సౌశీల్యాది ప్రశంస--: (అల్లసాని పెద్దన -మనుచరిత్) ఉ.  ఆ పురిఁ బాయకుండు మకరాంక శశాంక మనోజ్ఞమూర్తి, భా షాపరశేషభోగి, వివిధాధ్వర నిర్మల ధర్మకర్మ దీ క్షాపరతంత్రుఁ, డంబురుహగర్భ కులాభరణం, బనారతా ధ్యాపన తత్పరుండు, ప్రవరాఖ్యుఁ డలేఖ్య తనూవిలాసుఁడై. 51 - తా ధ్యాపన తత్పరుండు,ప్రవరాఖ్యుఁడలేఖ్య తనూ విలా సుడై అఖ్య అంటే పేరు. ప్రవరుడు ఆనే అఖ్య కలవాడు."ఆ పురిన్.ఉండు" అని చెప్పి ఊరుకోకుండా "ఆ పురిన్ పాయక ఉండున్"అని చెప్పటంలోఒక విశేషం ఉంది "పాయక" అంటే విడిచిపెట్టకుండా,విడిచిపెట్టి ఎక్కడె క్కడికో వెళ్ళాలనీ,బహుదేశాలు చూడాలని లోపల ఎంత కోరికగా ఉన్నా,విడిచిపెట్టి వెళ్ళలేక పోతున్నా డు. అందుకే ముక్కూ మొగం తెలియని సిద్ధుడెవరో వచ్చి పాదలేపనం ఇవ్వగానే హిమాలయాలకి ఎగిరి పోయాడు. మకరాంక శశాంక మనోజ్ఞ మూర్తి అంటే మన్మ ధుడిలా,చంద్రుడిలా మనోహరమైన మూర్తి గలవాడు వాక్కునందు రెండవ ఆదిశేషుడు. వివిధాధ్వర నిర్మల ధర్మ కర్మ దీక్షా పరతంత్రుడు. పలు తెరగులైన యజ్ఞ ముల,పుణ్యకర్మముల నియమాలకు అధీనుడగువా డు. అంబురుహగర్భ కులాభరణంబు,బ్రాహ్మణ కుల ...