నా చెలికాడు

(కవిత ... ఒక ప్రముఖ కవయిత్రి... పేరు చెప్పను.. ఆమె వద్దు అన్నారు.)

నా చెలికాడు

అందంలో చందురూడు, 

ఆదరణలో ఆంధ్రభోజుడు,

మానస చోరుడు, మన్మధ రూపుడు,

అతనిమది అతివల కలల నిధి.

మగసిరి ఉట్టిపడే ఆ ధృడత్వం,

సొగసరి ఇష్టపడే ఆ మృదుత్వం,

ప్రేయసి మనసుపడే ఆ సాహసం.

తాపసి కోరుకునే ఆ నిర్మలత్వం,

రూపసి చేరుకునే ఆ కోమలత్వం,

సఖులు కోరుకునే ఆ సన్నిహితం,

చెలులు కలలుకనే ఆ సున్నితం.

కలతలేని ఆ నిరాడంబరం,

కళ్ళెం లేని ఆ దానగుణం,

శత్రువుని ఎదిరించే ఆ శూరత్వం,

ఎల్లలు చెరిపేసే ఆ ధీరత్వం.

నడకలో సాహసం, నవ్వులో సరసం,

నా హృదిలో ప్రణయం, అతనితోనే నా జీవన ప్రయాణం.

x