సుమ గారి పద్యం!
.
ఈ పద్యము చదువుటకు హృద్యముగా ఉండును కానీ నోరు తిరుగక మొదట చాలా
అవస్థ పడవలిసి వచ్చును.
మన తెలుగు టి వి లో పనిచేయు సుమ గారు
ఆవిడ మలయాళీ అయిననూ సునాయాసముగా
ఈ పద్యము చెప్తూ వుంటే నాకు చాలా ఆశ్చర్యమేసింది.
.
అల్లసాని పెద్దన వ్రాసిన 'మనుచరిత్ర'ప్రబంధములో యిదిచాలా ప్రసిద్ధమైన పద్యము.
.
అట జని కాంచె భూమిసురుడంబర చుంబి శిరస్సర ఝరీ
పటల ముహుర్ముర్లుటద భంగ తరంగ మృదంగ నిస్స్వన
స్ఫుట నటనానుకూల పరిఫుల్ల కలాప కలాపి జాలమున్
కటక చరత్క రేణు కరకంపిత సాలము శీత శైలమున్
.
.
తా:--భూమిసురుడు=బ్రాహ్మణుడైన ఆ ప్రవరుడు, చని=పోయి, అటన్=అక్కడ, అంబర చుంబి=ఆకాశమును
తాకుచున్న,శిరః= పర్వత కొనలనుండి ప్రవహించు చున్న, ఝరీ పటల=సెలయేళ్ల సమూహము నుండి
ముహుర్ముర్ =మాటిమాటికీ లుటత్=దోర్లుచున, అభంగా=అడ్డులేని, తరంగ=తరగ
లనెడి, మృదంగ=మద్దెలల యొక్కనిస్స్వన=ధ్వని చే, స్ఫుట=వెలువడు చున్న,
నటనానుకూల=నాట్యమునకు
తగినట్టుగా,పరిఫుల్ల=పురివిప్పిన కలాప=పించములు గల ,కలాపిజాలముల్=నెమల్ల సమూహములు
కలదానిని,కటక=పర్వత మధ్య ప్రదేశమున,చరత్=సంచరించుచున్న,కరేణు=ఆడు ఏనుగుల యొక్క
కర=తొండములచే, కంపిత=కదల్చ బడిన, సాలమున్=చెట్లు కలదానిని,శీత శైలమున్=హిమవత్ పర్వతము ను, కాంచెన్=చూచెను
అట్లు ప్రవరాఖ్యుడు, ఆకాశము నంటెడు శిఖరాగ్రము నుండి దుంకుచున్నసెలయేళ్ల నుండి వచ్చు ధ్వనులు
మద్దేళ్ల మ్రోతల వలె వినబడగా పురివిప్పి యా ధ్వనికి తగినట్లుగా ఆడుచున్న
నెమళ్లను,పర్వతము నడుమ నుండి ఏనుగులు తమ తొండములతో చెట్లను పట్టి లాగు
తుంటే వెలువడు విచిత్ర ధ్వనులను,
ఇవన్నియు వున్న హిమవత్పర్వతమును ఎంతో ఆశ్చర్యముతో,చూచి ఆనంద పరవశు డాయెను.
Comments
Post a Comment