ఉన్నదొక్కటే. .

ఉన్నదొక్కటే. .

(శ్రీ ములుకుట్ల సుబ్ర్హమన్య శర్మ గారు.)

ఉన్నది ఒక్కటే, లేనేలేదు రెండవది 

నీలోనా, నాలోనా మన అందరిలోనా ఉన్నదొక్కటే 

నీటిలో,నింగిలో,గాలిలో,అగ్గిలో,భూమిలో 

అంతటా వ్యాపించి ఉన్నదొక్కటే

"నేను, నేనని" నీవనుచున్నావు, అదే నేనూ అనుచున్నాను 

అందరిలోనా వున్న ఈ నేనెవరన్నదే వేదాంతం 

ఈ దేహేంద్రియములు, ప్రాణముకూడా కాదు "నేను" 

గుండెగుహలో చిరుజ్యోతిగా వెలిగెడి ఆత్మయే "నేను"

ఆజ్యోతివెలుగులో వెలుగొందు నీజగము 

కనుమూసినంతనే కరగునీ జగము 

కట్టకడపటి వరకూరకుండెడివేల 

కదలిరా! తెలుసుకో! నీయాత్మ జ్ఞానంబిదే.

మాయలో కప్పబడినారు మానవులందరు 

ఆ మాయ యను చీకటిని పారద్రోలెడి ప్రజ్ఞ 

కలవాడీ ప్రాణికోటిలో నీమానవుడొక్కడే 

ఉదయింపచేయు మాజ్ఞానభాస్కరు నీజన్మలోనే

జనన మరణ చక్ర భ్రమణ మాగదీజగంబున 

ఆప శక్యంబు కాదీ యవనిలో నెవరికీ 

మరుజన్మమేమొచ్చొ మనచేతిలో లేదు 

సాధించు జన్మరాహిత్య మీజన్మలోనే.