తేటివలపు (దేవులపల్లి కృష్ణశాస్త్రి కవిత.) .

తేటివలపు (దేవులపల్లి కృష్ణశాస్త్రి కవిత.)

.

చిరుపాట సెలయేటి కెరటాల

బడిపోవు విరికన్నె వలపువోలె 

తీయని మల్లెపూదేనె సోనల పైని

తూగాడు తలిరాకు దోనెవోలె

తొలిప్రొద్దు తెమ్మెర త్రోవలో పయనమై

పరువెత్తు కోయిల పాటవోలె

వెల్లువలై పారు వెలది వెన్నెలలోన

మునిగిపోయిన మబ్బుతునుకవోలె

.

చిరుత తొలకరివానగా చిన్ని సొనగ

పొంగి పొరలెడు కాల్వగా నింగి కెగయు

కడలిగా పిల్లగ్రోవిని వెడలు వింత

తీయదనముల లీనమైపోయె నెడద.!