మట్టిగొట్టుకు పోతావు...'

మట్టిగొట్టుకు పోతావు...'

'ఇంత చిన్న దానికి అంత పెద్ద మాటాలు ఎందుకండి ?'

'అబ్బే... నేను చెప్పేదీ...'

'ఈ మధ్య మీకు మరీ కోపం ఎక్కువైందండి... లేకపోతే, ఇంత తీవ్రంగా స్పందిస్తారా?'

'అదికాదు....'

'పోన్లెండి, మీకూ నాకు తిట్ల ఋణం ఉండి ఉంటుంది, అలా సరిపెట్టుకుంటాను...'

'చెప్పేది వినకుండా వేదాంతం ఏవిటయ్యా బాబూ ! ఇక్కడ (నార్త్ లో) సన్నటి దుమ్ము ఎక్కువ. గాలి గారికి మన మీద దయ కలిగినప్పుడల్లా, పెద్ద గాలి దుమారం లేస్తుంది(వీళ్ళు దాన్ని లూ అంటారు ). దానికి సమయం, సందర్భం ఉండవు. 'ఊ....' అని గట్టిగా శబ్దం వినబడగానే దాక్కోవాలి, బాల్కనీ లో సామాన్లు లోపల పెట్టేసుకోవాలి. లేకపోతే, బొక్కెనలు, మగ్గులు, బట్టలు, చివరికి బక్క ప్రాణి అయిన మీరూ.... గాలి వేగానికి గాల్లో ఎగురుతారు. లేకపోతే....మట్టి కొట్టుకు పోతారు. అందుకే గాలి దుమారం విషయంలో జాగ్రత్త తీసుకోండి ! ఇదీ నేను చెప్పేది.'