అర్థానా మార్జనే దుఖం,

శ్లో. అర్థానా మార్జనే దుఖం, ఆర్జితానాం చ రక్షణే 

ఆయే దుఃఖం , వ్యయే దుఖం ధిర్థాః కష్టసంశ్రయాః.

.

క. ధన సంపాదన దుఃఖము.

ధన రక్షణ దుఃఖమయము ధన మొచ్చు నెడన్,

ధనమది ఖర్చగు వేళను

మనకౌనది దుఃఖ ప్రదము. మది గనుడయ్యా.

.

భావము. ధనాన్ని సంపాదించటంలో దుఃఖం , సంపాదించిన దానిని రక్షించటంలో దుఃఖం .ఆదాయంలో దుఃఖం , వ్యయంలో దుఖం. అయ్యో సంపదలు ఎన్నో కష్టాలను ఆశ్రయించుకొని ఉంటాయి కదా!

వ్రాసినది చింతా రామ కృష్ణా రావు.

x