"అమృతవర్షిణి అమ్మ"

గర్భమందు శిశువు కాలదన్నిననాడు

ముసిముసి నవ్వులు మురియు ముదిత!

స్తన్యంబు లిడు వేళ తనబిడ్డ బాధింప

బాల్యాంకచేష్టగా బడయు మాత!

మాట నేర్పి, పిదప మనసు నొప్పించినన్

కొండంత పట్టించుకొనని సాధ్వి!

ఇంటివాడై తన యింటికి రావల

దంచు పల్కినను దీవించు తల్లి!

సూతిమాసంబు మొదలుగ చూపుతగ్గి

చివరకు కొడుకున్ గనలేని స్థితివరకును

తనయునకు చీమకుట్టిన తల్లడిల్లు

అమ్మ అమృతప్రవర్షిణి అనవరతము.

(డా.ఆమళ్ళదిన్నె వేంకటరమణ ప్రసాద్ గారి "అమృతవర్షిణి అమ్మ" ఖండిక నుండి).