యోరుగల్లు,..

ఖండకావ్యము: తెలుగు వెలుగు

కృతికర్త: కీ.శే.కవిరత్న కొర్నెపాటి శేషగిరిరావు పంతులుగారు

ఖండిక: ఆంధ్రరాజధానులు 

శ్రీయుగంధరమంత్రి శేఖరశేముషీశ్రీరమ్యమైనది యోరుగల్లు,

కాకతీరుద్రుని కైలాససదనమై యొప్పారు శైలాగ్రమోరుగల్లు,

ఉభయకవిసుహృత్తునుజ్జ్వలకవితాసి నొఱపుజేసినఱాయి యోరుగల్లు, 

మందారమకరందమాధుర్యమును జీర్ణమొనరించుకొనుభూమి యోరుగల్లు,

పాదుసాహులకును పైకత్తిగానాగి

గుండెతల్లడంబు గూర్చె పెల్లు,

చెప్పగిప్పరాని శ్రీలకు పుట్టిల్లు,

వీరరసముగల్లదోరుగల్లు!!!