ఆంధ్రప్రశస్తి.....

ఖండకావ్యము: తెలుగు వెలుగు

కృతికర్త: కీ.శే.కవిరత్న కొర్నెపాటి శేషగిరిరావు పంతులుగారు

ఖండిక: ఆంధ్రప్రశస్తి

రాజమహేంద్రుని రంగస్థలంబున నాట్యమాడించె నన్నయ్య కవిత,

కావేరినీటిలో గలిపి సంగీతంబు ద్రావణంబొనరించె త్యాగరాజు,

జీవకళలుదేఱ జిత్రవిహారముల్ చిత్రించిరీయాంధ్ర శిల్పివరులు,

అసహాయశూరులై యలరి యీయాంధ్రులు గంగలో కత్తులుగడిగినారు,

ధణధణంధణ సాగరాంతముల మ్రోగె

జయరవంబులనీభేరి జగతిలోన,

అలరెనీ శాసనములు శిలాక్షరముల

రమ్యతరమైనదౌర! యాంధ్రప్రశస్తి!!!