అందెలు గజ్జెలు !

అందెలు గజ్జెలు !

🤲🤲🤲🤲

-

అందెలు గజ్జెలు మ్రోయగ

చిందులు ద్రొక్కుచును వేడ్క చెలువారంగా

నందుని సతి యా గోపిక

ముందర నాడుదువు మిగుల మురియుచు కృష్ణా...!!

👉తాత్పర్యం :

ఓ శ్రీకృష్ణా....!! పసితనంలో నీ కాళ్ళకు అలంకరించిన అందెలు,

గజ్జెలు చప్పుడయ్యేటట్లు గంతులు వేస్తూ వేడుకగా నందుని భార్య

అయిన యశోద ముందర ముద్దులొలికేటట్లు నీవు ఆడుచుంటివి

కదా...!! అని ఈ పద్యం యొక్క భావం.-

🌷🌷🌷🌷🌷🌷🌷🌷🌷🌷🌷

పద్యం:

అందెలు పాదములందున

సుందరముగ నుంచినావు సొంపలరంగా

మందరధర ముని సన్నుత

నందుని వరపుత్ర నిన్ను నమ్మితి కృష్ణా!

👉తాత్పర్యం:

పాదములందు ముద్దులొలుకునట్లుగా అందమైన అందెలను

ధరించి ఉన్నావు.మంధర పర్వతమును కూర్మావతారములో

మోసినట్టి కృష్ణా మునులచేత నుతులను గైకొనువాడా!

నందుని ప్రియపుత్రుడా!నిన్నే నమ్మితిని.నీవే నాకు దిక్కు.

🙏🙏🙏🙏🙏🙏🙏🙏🙏🙏🙏🙏🙏🙏🙏