జాజి శర్మ గారి వజ్రం.(జోకు)

జాజి శర్మ గారి వజ్రం.(జోకు)

.

బాబురావు అబీడ్స్ లో వజ్రాల షాపు లోకి మెరుపులాంటి అందగత్తెతో చెట్టపట్టలేసుకుని అడుగుపెట్టాడు. సేల్స్ మెన్ తో " మీ షాపులో లేటెస్ట్ మోడల్ వజ్రాల హారం నా స్వీటీహార్ట్ కి చూపించండి" అన్నాడు.

" అలాగే సార్" అంటూ ఓ నాలుగైదు మోడల్స్ చూపించాడు.

" డార్లింగ్! ఇది నాకు నచ్చింది" అంటూ ఓ హరం సెలక్టు చేసుకుంది.

" సార్! అది ఏకంగా పదిహేను లక్షల రూపాయలు" అన్నాడు. సేల్స్ మెన్

" దాందేముంది. నా స్వీట్ హార్ట్ కి నచ్చిందిగా.తీసేసుకుంటున్నాము. పాక్ చేయండి" అన్నాడు బాబురావు.

"క్రెడిట్ కార్డ్! టాక్స్ పడుతుంది. కాష్ అయితే...." నసిగాడు సేల్స్ మెన్.

" టాక్స్ పడినా పరవాలేదు. పాక్ చేయండి. చెక్కు ఇస్తాను." అన్నాడు బాబురావు.

" చెక్ అయితే, క్లియర్ అయిన తరువాత మీకు హారం ఇస్తాము సార్! ఇవాళ శనివారం. మీరు సోమవారం సాయంకాలం రావాలి. అప్పుడు మీకు హారం ఇస్తాము"

" న్యాయమే కదా! కమాన్ స్వీట్ హార్ట్" అంటూ పదిహేనులక్షలకి చెక్ ఇచ్చేసి బాబురావు బయటికి నడిచాడు తన స్వీట్ హార్ట్ తో.

బాబురావు సోమవారము సాయం కాలం వజ్రాల షాపుకి వెళ్ళాడు.

బాబురావుని చూడగానే సేల్స్ మేన్ గయ్యిమని లేచాడు.

" వెధవ! అక్కౌంట్ లో చిల్లుకాని లేదు. పదిహెను లక్షలకి చెక్కిస్తావా? పిచ్చెక్కిందా నీకు"

" కూల్ బాస్! నాకు ఒక రాత్రికి బ్రహ్మండమైన విందు భోజనం,మంచి పడక వచ్ఛెటట్లు చేసిన మీ షాపుకి ధాంక్స్ చెబుదామని వచ్చా! ధాంక్స్ ఎ టన్! " అంటూ బయటకు నడిచాడు బాబురావు.