దామెర్ల వారి ఊరుబావి. ...

దామెర్ల వారి ఊరుబావి. ... 

ఇంకిపోయి, పూడుకుపోయిన ఊరుబావి. 

పేరుకేమిగిలింది. 

అనవసరపు మాటలలో, అయోమయపు కవితలలో, 

అర్థంకాని కథల్లో...... !

. 

కాలం గడుస్తున్న కొద్దీ బావి చుట్టూ ఎన్నో జరిగాయి. 

బావి వైపువాళ్ళు బావికి గట్టు కట్టి, గోడ కట్టి బాగుచేయించిన కాలమూ ఉంది. 

తమ గుత్తగా బావిదగ్గరకు రావడానికి నియమాలు పెట్టి కట్టడి చేసిన రోజులూ ఉన్నాయి. తరాల అంతరాలకు ఆ బావి ప్రత్యక్ష సాక్షి.

కాలంతో ఆ గొడవలూ కొట్లాటలూ వస్తూనే ఉన్నాయి సర్దుకుంటూనే ఉన్నాయి. 

మనుషుల మనస్థత్వాల వల్ల ఈ హెచ్చుతగ్గులస్థాయి మారుతున్నా ఒక విషయం అందరిలో బలంగా ఉండేది. 

ఆ బావి ఆ ఊరి అవసరం. దానిని కాపాడుకోవాలి. అందరికీ అందాలి.

ఆపై చేసే ఆలోచనలదగ్గరే అనేకమైన తేడాలు వచ్చాయి. హక్కులు, బాధ్యతలు, కట్టుబాట్లు ఏనాటికీ అందరికీ నచ్చేవిగా ఉండలేవు

. ఊళ్ళోవాళ్ళో, పొరుగూరివారో, బాటసారులో… బావి దగ్గర నీళ్ళు త్రాగినవారూ ఉన్నారు. బావిలో చెత్తా చెదారం పడేసిన ప్రబుద్ధులూ ఉన్నారు. 

ఎప్పటి కప్పుడు క్రొత్త నీరు ఊరే బావి అది. 

అప్పుడప్పుడు బాగుచేసుకుంటుండాలి అంతే.