బృందావనమున బ్రహ్మ

కృష్ణ శతకము

బృందావనమున బ్రహ్మ
నందార్బకమూర్తి వేణు నాదము నీ వా
మందార మూలమున గో
విందా పూరింతువౌర వేడుక కృష్ణా!



కృష్ణా!బ్రహ్మానందము కలిగించెడి బాలకుని రూపమున నీవు బృందావనములో మందార వృక్షము మొదట గూర్చుండి ఎంతో వేడుక పుట్టునట్లు ఆశ్చర్యముగా పిల్లనగ్రోవిని ఊదెదవు.
పదియాఱువేల నూర్వురు
సుదతులు యొనమండ్రు నీకు సొంపుగ భార్య
ల్విడితంబుగ బహురూపుల
వదలక రమియింతువౌర వసుధను కృష్ణా!

కృష్ణా!ఈ భూలోకములో అవతరించినప్పుడు నీకు పదహారువేల నూఱుగురు గోపికలును,నెనమండ్రు పట్టపురాణులను కలరు.వీరిని అందరును అనేక రూపములు దరించి నీవు తృప్తిపఱచుదువు.నీమహిమ అద్బుతము కదా!