స్థితిగతులు!

స్థితిగతులు!

.

పాతికేళ్ళ క్రితం – రామయ్యకి

రోజుకొక్క పూటే- నోట్లోకి

నాలుగు వేళ్లు పోయేవి……

పాపం – పేదరికం !

.

ఇప్పుడతను రామయ్యగారు….

కోటీశ్వరుడైపోయాడు-

ఇప్పుడా ఒక్కపూటైనా

నోట్లోకి నాలుగువేళ్లు

పోవడం లేదట—-

అనారోగ్యమేమో అనుకొన్నాను !

.

అతని వేళ్ల దురదృష్టానికి బాధపడుతూ

అతని కుడి చేతి వేళ్ళ వైపు

జాలిగా చూశాను—

పది తులాలకు తగ్గని కండబలంతో

వేలికొక పసిడిదేవుడు చుట్టుకొని వున్నాడు!

అరెరె…. ఎడం చేతి వేళ్లకు కూడా !

ఇక నోట్లోకి వేళ్లా? ఎలా?

అయ్యోపాపం… ఐశ్వర్యం!!!