శ్రీ కాళహస్తీశ్వర శతకము.........ధూర్జటి...(11 / 6 /15.)
.
భవకేళీ మదిరామదంబున మహాపాపాత్ముడై వీడు న
న్ను వివేకింపడటంచు , నేను నరకార్ణోరాశిపాలైన బ
ట్టవు , బాలుండొక చోట నాటతమితోడ న్నూతగూలంగ దం
డ్రి విచారింపక యుండునా ? కటకటా ! శ్రీ కాళహస్తీశ్వరా !
.
.
ఓ శంకరా !
సంసారమనే మద్యపానపు మత్తులో ఈ మానవుడు
పాపాత్ముడై నన్ను తలంచడం లేదనే ఊహ తో నీవు
నేను నరకమనే సముద్రంలో పడిపోయినా పట్టనట్లు ఊరుకుంటున్నావు .
కొడుకు ఆడుకుంటూ నూతిలో పడిపోతే తండ్రి పట్టించుకోకుండా ఊరుకుంటాడా ?
Comments
Post a Comment