బుడంకాయంత బుడ్డోడు....చందమామ కధ.!
.
అనగనగా ఒక ఊరిలో బుడంకాయంత బుడ్డోడున్నాడు.
.
ఆ బుడంకాయంత
బుడ్డోడికి ఒక రోజు వంకాయంత వజ్రం దొరికిందట,
.
ఆ బుడంకాయంత బుడ్డోడు ఆ వంకాయంత వజ్రాన్ని బీరకాయంత బీరువాలో
పెట్టి తాటికాయంత తాళం వేస్తుంటే దోసకాయంత దొంగోడు చూస్తాడు.
.
ఆ దోసకాయంత దొంగోడు బీరకాయంత బీరువా దగ్గరికి వచ్చి తాటికాయంత
తాళం పగలగొట్టి ఆ వంకాయంత వజ్రాన్ని తీస్తుంటే మునక్కాయంత
ముసలమ్మ చూసి పొట్లకాయంత పోలీసులకు చెప్పుతుంది.
.
ఆ పొట్లకాయంత పోలీసు జీడికాయంత జీపు వేసుకొని లవంగం అంత లాఠి
పట్టుకొని వచ్చి ఆ దొంగని పట్టుకొని, కొట్టి, సొరకాయంత స్టేషన్లో
ఉంచి, ఆ వంకాయంత వజ్రాన్ని ఆ బుడంకాయంత బుడ్డోడికి ఇప్పిస్తారు.
.
అప్పుడు వాడు సంతోషించి, ఆ మునక్కాయంత ముసలమ్మ కి బంగాళ దుంప
అంత బహుమానం ఇచ్చాడంట.
Comments
Post a Comment