వక్రోక్తి వైభవం!

వక్రోక్తి వైభవం!

(విశ్లేషణ .. ఆచర్య చొప్పకట్ల సత్య నారయణ గారు. )

కుంతకుడు  వక్రోక్తియే కావ్యత్మ అనేదాకా వెళ్ళాడు. 

ఇంతకీ వక్రోక్తిలో ఉన్న సరుకేమిటి? అనేదేఃమనప్రశ్న? 

శ్లేషచేత , కాకువు చేత చెప్పగలచుకున్నదానిని కొంచెం వింతగాచెప్పటం. 

చెప్పిన పదాలే అక్కడ మరోకొత్త పదంచేరదు, 

వాటితోనే లోకోత్తరమైన చమత్కార అర్ధమును ప్రతిపాదించటం. 

ఉదా:- ప్రశ్న- " ఎద్దీశ్వరునకు వాహనంబగు?(ఈశ్వరుని వాహనమేది) 

దానికి సమాధానము:- ఎద్దు ఈశ్వరునకు వాహనంబగు; 

కంబలవంతం నబాధతే శీతలం?(యేబలవంతుని చలిబాధించదు? 

కంబళీ కలవానిని చలిబాధించదు.; 

ఇలా! దీన్నే శ్రీనాధ మహాకవి" హర చూడా హరిణాంక వక్రతగా సూచిచాడు.

వక్రోక్తిని చేమకూర వాడుకున్నంతగా యితరులు వాజుకోలేదు. 

మనం సారంగధర చిత్రాంగుల సంవాదంలో రెండుపద్యాలు గతంలో పరిశీించాం. 

ఇప్పడో చిన్న పద్యాన్ని చూద్ధాం!

"ఆ:వె: నళిన లీల సంచు నలినలి గావించు , 

నించు మించులాడు నించుమించు; 

బాపు! భామ లేత నవ్వు లేమనవచ్చు? 

జగ మెఱుంగు దాని జగమెఱుంగు!!:

సుభద్ర సోయగం వర్ణించటం ప్రధానాంశం. ఆమెనవ్వుమోము వికచారవిందపు 

అందాన్ని మించింది. మెరపు నొరపును మించింది, ఆమెలావణ్యం లోకాతీతమైనది ,

అని చ్ప్పదలుచుకున్నాడు.కానీ యేమంటున్నాడు? పద్మాల యందాన్ని నలిపిపారేస్తుందట!మెఱుపుల థళథళ నువెక్కిరిస్తుందట! యింకేమనను?అని ఆశ్చర్యంప్రకటిస్తూ, దానిలావణ్యం చూచినవారి కెరుక,చూజనివారికేమెరుక? 

అంటూ సుభద్ర సోయగాన్ని చూడనివాడు పనికిమాలినవడని వ్యంగ్యంగా సూచిస్తున్నాడు. ఇదిగో యీగడసరితనం వక్రోక్తి వల్ల సంపాదించాడు.

" అన్నన్న! మొగము వెన్నుని 

యన్నన్న జయించు, కన్నులన్నన్ నలినా 

సన్నములు నడుము సన్నము; 

ఇలాఅవేపదాలను గిరగిర తిప్పుతూ పాఠకుని అబ్బురంలో ముంచి 

యెన్నో చమత్కారాలకు తలుపులు తెరచి పారిపోతాడు. 

యీగుట్టుముట్లన్నీ తాపీ వారికి బాగా తెలుసు. 

వారిచేతిలో ఉన్న తాపీతో సుందరతరములైన భావసౌధాలను ఆవిష్కరించి ఆహా యనిపించుకొన్నారు!

Comments

Popular posts from this blog

'శారద నీరదేందు ఘనసార పటీర మరాళ మల్లికా"పోతన గారి భాగవత పద్యం.!

గజేంద్ర మోక్షం పద్యాలు.

యత్ర నార్యస్తు పూజ్యంతే- రమంతే తత్ర దేవతాః!