Thursday, July 31, 2014

వాన దేవుడు సేయు కొంటె పనులు

శ్రీమతి మదమంచి యనంతమ్మ గారు రాసిన కవిత....
వాన దేవుడు సేయు కొంటె పనులు
ప్రక్రుతి వానదేవునికి స్వాగతిస్తున్న తీరు..చూడండి
వర్ష లక్ష్మికి యాతిధ్య ప్రధమ ధర్మములైన యర్ఘ్య పాదములందించు తీరు
గొల గొల జారెడు కొండవాగులు
పసరుల గ్రక్కెడు పచ్చిక పట్టులు
జీబులుదేరెడు చివురు జొంపములు
మోసులు గట్టిన మొలక పైరులు
అర్ఘ్యపాద్యముల నర్పించూ,ప
చ్చకు పుట్టముల నందించూ,మే
ల్పసిమి జాలరుల బరిపించూ,ఓ
సజల జలదమా! స్వాగతము''
తుంటరి వానదేవుడు చేయు కొంటేపనులు..ఇలా వర్ణించారు
మాటున దాచిన తాటి గొడుగులను
పల్లె బాబుచే బట్టిన్చెద వోయి!
కమత గాండ్ర కరి కంఠము గూర్తు
గొల్లవారి తల గొంగళ్ళుఇడేదవు
అటునిటు పనికై యరిగెడు సతులకు
చేటలు నెత్తిన దీటు గొల్పెదవు
కర్ర పెత్తనము గల పెద్దలకు
గుడ్డ గొడుగు గీల్గొలుపుదువన్నా!
కొమ్ములు దిరిగిన కోటీశ్వరునకు
చెప్పులు చేతికి చేర్చి కుల్కెదవు.''
పైగా ఎప్పుడు రాకూడదో కూడా చెప్పారు
ఖండ వృష్టి యని గర్హించెడి మా
కాపు కుమారుల కండ్ల నీళ్ళతో
పిడకలు,పుడకలు.పిండి పప్పులును
ఎండపోయు తరి నేతెoచితివా
సుదతులు పల్కెడి సూటి పోట్లతో''
వేళా పాళా లేకుండా రావొద్దని హెచ్చరించింది

x

మొదటి స్వదేశీ పెన్ను .. రత్నం పెన్. 

త యరు చేసిన వారు.. కోసూరి వెంకట రమణమూర్తి. గారు రాజమండ్రి.

కాలే కడుపుకి రుచి తెలీదు

కళ్ళు మూసుకొని నిద్ర పోవాలా... లేక నిద్ర పోయి కళ్ళు మూసు కోవల ..

తేలిక నాకు నిద్ర పట్టం లేదు..

కాలే కడుపుకి రుచి తెలీదు 

మండే కట్టెకి వర్ణం లేదు 

అర్ధించే చేతులకి తనపర భేదం లేదు 

పీల్చే గాలికి కులం తాగే నీరుకి మతం లేదు

నడిమధ్యన వచ్చావ్ 

చివరకి ఆమట్టిలోనే కలుస్తావ్ 

తోలుతిత్తి శరీరానికిబంధాల మందు జల్లి 

అహం అనే మత్తులో కష్టాల కొలిమిలో భవసాగరాన్ని ఈదుతున్నవ్

ఊపిరి ఆగే వరకే ఈ బంధం 

కట్టెకాలే వరకే ఈ పాశం

జానెడు పొట్టకోసం ఆరడుగుల నేలకోసం ఇన్ని పాట్లా 

మానవ జన్మకి ఇన్ని వెతలా ......@ బాటసారి

బాపు అసలు పేరు సత్తిరాజు వెంకట లక్ష్మీనారాయణ.

అయ్యా బాపు గురించి ఈ నవతరానికి తెలియాలి అందుకే ఈ పోస్టింగ్ సు. అయన అసలు పేరు కూడా తెలియని వారు ఎంతో మంది ఉన్నారు.

.

బాపు అసలు పేరు సత్తిరాజు వెంకట లక్ష్మీనారాయణ. బాపు డిసెంబరు 15, 1933 వ సంవత్సరం లో పశ్చిమ గోదావరి జిల్లా, నర్సాపురం లో వేణు గోపాల రావు, సూర్యకాంతమ్మ దంపతులకు జన్మించాడు.1955 వ సంవత్సరం లో మద్రాసు విశ్వవిద్యాలయం నుండి లాయర్ పట్టా పుచ్చుకున్నాడు. 

బాపు తెలుగునాట పేరెన్నికగన్న బహుముఖ ప్రజ్ఙాశాలి. బాపు గీత, బాపు వ్రాత తెలుగువారి సంస్కృతిలో భాగమయ్యాయి. బాపు చిత్రం ప్రచురించని తెలుగు పత్రికలు అరుదు. ఆయన వేసిన కార్టూనులూ, పుస్తకాల ముఖచిత్రాలూ లెక్క పెట్టడం కష్టం.

'బాపు బొమ్మ' అనే మాట ఈరోజు చిత్రశైలికీ వాడుతారు, అందాల భామను వర్ణించడానికీ వాడుతారు. బాపు బొమ్మల గురించి ప్రసిద్ధి గాంచిన కవి ఆరుద్ర పద్య రూపంలో తన కవితల పుస్తకములో హృద్యంగా వర్ణించిన తీరు చిరస్మరణీయమైనది ఒకటుంది.

కొంటెబొమ్మల బాపు

కొన్ని తరముల సేపు

గుండె ఊయలలూపు

ఓ కూనలమ్మా!

ఇలా కూనలమ్మ పదం వ్రాసి, ఆరుద్ర బాపుకు ఎప్పుడో చేసిన పద్యాభిషేకంతో ఏకీభవించని వారు లేరు. బొమ్మలే కాదు, బాపు చేతిలో తెలుగు అక్షరాలు కూడా హొయలు పోయాయి. ఇప్పుడు ఈయన చేతివ్రాతకూడ బాపు ఫాంటుగా అలరిస్తోంది. అందమయిన చేతిరాతకి అందరికి గుర్తొచ్చే ఫాంటు ఇదే అవటం అతిశయోక్తి కాదు.

ఇక ఈయన దర్శకత్వంలో వచ్చిన తెలుగు, హిందీ సినిమాలు అవార్డులు, రివార్డులు పొందటముతో పాటు అచ్చ తెలుగు సినిమాకి ఉదాహరణలుగా చరిత్రలో నిలిచిపొయాయనటం పొగడ్త కాదు.

క్లుప్తంగా ఈయన గీసిన బొమ్మని సంతకం లేకపోయినా, తీసిన సినిమాలో దర్శకుడిగా ఈయన పేరు చూడక పొయినా చప్పున ఎవరయినా ఇది గీసింది, తీసింది బాపూ అని గుర్తించగలిగేటంత విలక్షణమయిన శైలి ఈ ప్రతిభావంతుడి సొత్తు.

బాపుకు స్వదేశీ, విదేశీ పురస్కారాలు ఎన్నో లభించాయి. అందులో ముఖ్యమయినవి కొన్ని.

బాపు దర్శకత్వం వహించిన ముత్యాల ముగ్గు చిత్రానికి ఉత్తమ ప్రాంతీయ చిత్రంగా (1975 వ సంవత్సరం) భారత ప్రభుత్వ పురస్కారం తో పాటు సినిమాటోగ్రాఫర్ ఇషాన్ అర్యాకి ఛాయగ్రాహకుడిగా పురస్కారం.

1986 వ సంవత్సరంలో ఆంధ్ర ప్రదేశ్ ప్రభుత్వం వారి ఎ.పి కళా వేదిక ద్వారా రఘుపతి వెంకయ్య స్మారక పురస్కారం మదర్ థెరిస్సా బహూకరించగా తన స్నేహితుడు ముళ్ళపూడి వెంకట రమణ తో కలిసి స్వీకారం

చెన్నై(తమిళనాడు) లో స్థాపించిన శ్రీ రాజలక్ష్మి ఫౌండేషన్ వారి ప్రతిష్ఠాత్మకమయిన రాజ్యలక్ష్మి పురస్కారం 1982 వ సంవత్సరంలో ఇవ్వబడింది.

1991 వ సంవత్సరంలో ఆంధ్ర విశ్వవిద్యాలయం వారి గౌరవ డాక్టరేట్ కళాప్రపూర్ణ బహూకరణ.

1992 వ సంవత్సరంలో అమెరికా తెలుగు అసోసియేషన్ (ATA) వారిచే శిరోమణి పురస్కారం అమెరికాలో స్వీకరణ.

మిస్టర్ పెళ్ళాం సినిమాకి ఉత్తమ ప్రాంతీయ చిత్రంగా భారత ప్రభుత్వ పురస్కారం.(1993 వ సంవత్సరం).

1995 వ సంవత్సరంలో తెలుగు అసోసియేషన్ అఫ్ నార్త్ అమెరికా (TANA) వారిచే తెలుగు చిత్ర కళా, సాహిత్య, సాంస్కృతిక, సినిమా రంగాలకు తన ఏభై సంవత్సరాల(గోల్డెన్ జూబ్లీ సెలేబ్రషన్) సేవకు గాను ఘన సన్మానం.

బాపు మీద ప్రముఖ తెలుగు సినిమా దర్శకుడు వంశీ తీసిన డాక్యుమెంటరీ చిత్రానికి 1996 వ సంవత్సరంలో ఆంధ్ర ప్రదేశ్ ప్రభుత్వ నంది అవార్డు.

9 జూన్, 2001 వ సంవత్సరంలో ఇండియన్ ఇన్స్టిట్యూట్ ఆఫ్ కార్టూనిస్ట్స్ (IIC) వారిచే జీవిత సాఫల్య పురస్కారం తో సన్మానం.

2 జూన్, 2001 వ సంవత్సరంలో డిసెంబరు న పొట్టి శ్రీరాములు తెలుగు విశ్వవిద్యాలయం వారిచే విశిష్ట పురస్కారంతో గౌరవం.

అకాడమీ అఫ్ ఫైన్ ఆర్ట్స్, తిరుపతి వారిచే ప్రెసిడెంట్ అఫ్ ఇండియా అవార్డు బహూకరణ.[5]

బాలరాజు కథ (1970), అందాల రాముడు (1973), ముత్యాల ముగ్గు (1975),పెళ్లి పుస్తకం (1991), మిస్టర్ పెళ్ళాం (1993) సినిమాలకు ఆంధ్రప్రదేశ్ ప్రభుత్వం వారి నంది పురస్కారాలు.

2013 కు గానూ ప్రకటించిన పద్మ పురస్కారాలలో కళల విభాగంలో తమిళనాడు రాష్ట్ర విభాగంలో పద్మశ్రీ పురస్కారం.






Wednesday, July 30, 2014

కుమారా శతకం

మనకు కుమారీ శతకము గురించి తెలుసు..

.

స్త్రీలు .కన్యలు నడచుకోవలిసిన తీరు తెన్నులు ఇందులో ప్రవచించారు.. 

అయితే శ్రీమతి ఆత్మూరి అన్నపూర్ణమ్మగారు.. పిచ్చ్సుకపై బ్రహ్మాస్త్రమన్నట్లు,బొడ్డూడ కున్నను,పురుషులమను పేరిట పల్కుబడి చెలాయించుచు.స్త్రేలకు నీతులు గరపువారే కాని.యెంత దుష్టులైనను పురుషులకు నీతి గరపువారు లేరని యామె.కటకటపడి రాసిన ది కుమారా శతకం

.

తప్పులెన్ను వారు తమ తప్పులెరుగరు

అని వచించు సామెతను దలంచి,

నీదు దప్పు లెరిగి నేర్పున సవరించి,

సఖుల నీతి గరప జను కుమార!

నీ సతియు నీకు మిత్రము

నీ సతియే నీకు దోడు,నిజముగసుమ్మీ,

రోసమున సతిని దూరిన

మోసము నీ సౌఖ్యమునకు ముందు కుమారా!

రుస రుస లాడుచు,దిట్టుచు,

గసరుచు గోపింప సతులు గ్రక్కున వశులై,

మసలుదురని తలపోయుచు

రసురుల వలె దుష్ట పురుషులవని గుమారా!

ముదమున బతంగ నివహము

వదలక ఫలరసములకును బరుగిడు కరణిన్

మృదు హృదయుడ వై మెలగిన

సుదతి నినుo బొంద దలచు జూవె కుమారా!

.

సరసములగుభావముల కూర్పుతో ,సలలితమగు పదములతో .ఏర్చి. తీర్చిన ఈమె పద్యములు తిన్న గ పటితుల హృదయమును దూరి సన్నగా పనిచేయ గలవు.

చల్లనైన జీవముతో మెల్లగా నర్తించు నదీమ తల్లి యొడి లో ముక్కుకు సూటి గా పోవు చుక్కాని ద్రిప్పుకొనుచు,.నోడిడుడుకులు లేక జీవనపధము నొక మధుర యాత్ర గా సాగించ మని ఈ సాధ్వి బాలురకు,కుమారులకు ఉపదేశించింది.. 

బాల్యావస్థ నుండే తల్లిదండ్రులు మగ పిల్లలకు చక్కటి సంస్కారము స్త్రీల యెడల గౌరవ మర్యాదలు కలిగేలా సద్వర్తనం ,నేర్పినఎడల..చాలా వరకు వివాహానంతరము వచ్చె సమస్యలు సమసి సంతోష మైన జీవిత గతి తెలుసుకోగలుగుతారు..

స్త్రీ జాతి జీవిత సార్ధక్యము గల్గించునట్టి పూనుకొన్న..ఈ సదుద్యమ శీలకు స్త్రీలపక్షమున ఇవే నా సాధువాదములు...

ముండకోపనిషత్తు..

ముండకోపనిషత్తు..

ఈ ఉపనిషత్తులోని 'సత్యమేవజయతే' అనే ఈ సూక్తి భారత ప్రభుత్వ అధికార ముద్రలో ఉండడం భారతజాతి గర్వించదగిన విషయం.

ముండనం అంటే శిరసుపై జుట్టును తొలగించుట అని అర్థం. ముండనం చేయించుకోవడం ద్వారా, అన్ని కోరికలను పరిత్యజించి, మోక్షప్రాప్తికి ప్రయత్నం ప్రారంభించడం, దీని కొరకు సన్న్యాసాన్ని స్వీకరించడం అనేది సంకేత రూపంలో తెలుప బడింది. 

అటువంటి మోక్షేచ్చ కలవారికి ఉపదేశాన్ని అందించే ఉపనిషత్తు గనుక ముండకోపనిషత్తు అని పేరు వచ్చింది.

యజ్ఞ యాగాదులు, పుణ్యకార్యాలు చెయ్యడం వలన పుణ్యాన్ని సంపాదించుకొని, దాని ద్వారా, ఈ లోకంలో అఖండమైన కీర్తిని, భోగభాగ్యాలను, పరలోకంలో స్వర్గాది సుఖాలను పొందగల్గుతారు. 

కాని వీటి ద్వారా మోక్షాన్ని పొందలేరు.

విద్యాగర్వంతో విర్రవీగడం అజ్ఞానుల ప్రధాన లక్షణం. 

తాము బ్రహ్మజ్ఞానులమనుకొని విర్రవీగే మూర్ఖులు ఒక గ్రుడ్డి వానిచే తీసుకొని వెళ్ళబడే ఇంకొక గ్రుడ్డివాడు చిక్కుల్లో పడినట్లుగా జరామరణాలతో కూడిన జననమరణ వలయంలో తిరుగుతూ ఉంటారు.

సత్యమేవ జయతే నానృతం 

సత్యేన పంథా వితతో దేవయానః (3.1.6)

సత్యమే గెలుస్తుంది. అసత్యం ఎప్పటికీ గెలవదు. సత్యవ్రతాన్ని నిష్ఠతో అనుష్టించిన వారు దేవయానంతో ప్రయాణించి పునర్జన్మ రహితమైన సత్యలోకం చేరుకుంటారు. 

ఈ ఉపనిషత్తులోని 'సత్యమేవజయతే' అనే ఈ సూక్తి భారత ప్రభుత్వ అధికార ముద్రలో ఉండడం భారతజాతి గర్వించదగిన విషయం

Tuesday, July 29, 2014

కాలంతో, కలంతో ఎలా మసులుకోవాలో తెలిసిన కవి..

కాలంతో, కలంతో ఎలా మసులుకోవాలో తెలిసిన కవి..

సినారె...జన్మదినాన ..........

జనం నోట్లో

-----------

ఒలుకుతున్నాను నేను

కలం గొంతుకనుంచి

కాలంలా పరుచుకున్న 

కాగితం గుండెమీద.

ముద్దగా ఇంకిన చుక్కలు 

మొనదేలిన అక్షరాలై 

ఎగిరిపోయాయి కాగితాన్ని

ఎడమకాలితో తన్నేసి.

"ఏవీ ఆ అక్షరాలు? 

ఏదీ నా ఆనవాలు?"

అవి పదిలంగా నలుగుతూ ఉన్నాయి 

అరిగిపోని జనం నోట్లో!!

1979లో ముద్రణ రూపం దాల్చిన " మృత్యువు నుంచి..బతుకులోకి" కవితల సంకలనంలో ఇవి ఆయన అక్షరాలు..

x

మేఘ సందేశం - : మహాకవి కాళిదాసు తెలుగు వ్యాఖ్య: డా|| కే ఏ సింగరాచార్యులు

మేఘ సందేశం - : మహాకవి కాళిదాసు

తెలుగు వ్యాఖ్య: డా|| కే ఏ సింగరాచార్యులు

కాళిదాసు గురించి నేను చిన్నప్పుడు విన్న ఒక విషయం చెప్పాలి. అమ్మవారి కటాక్షం లభించడానికి ముందు కాళిదాసు అమయాకంగా ఉండేవాడట. అక్కినేని నటించిన కాళిదాసు సినిమాలో కూడా అదే చూపించారు. 

ఆ రోజుల్లో ఒక ఊరి పడచు అతన్ని చూసి అస్తి కస్చిత్ వాక్ విశేషః? అని అన్నదట. అంటే "అసలు నీకు కొంచెమైనా మాట్లాడగలిగే విషయం ఉందా" అని.

కొన్నాళ్ళకు అమ్మవారి కరుణతో గతం అంతా మర్చిపోయి మహాకవి అయిపోయాడని ఐతిహ్యం. గతం మర్చిపోయినా కాని 'అస్తి, కస్చిత్, వాక్' అనే ఆ పడచు పలికిన ఆ మూడు పదాలు మస్తిష్కంలో ఉండిపోయాయట.

ఏదైతెనేం..ఆ మూడు పదాలతో మూడు కావ్యాలు మొదలెట్టేసి రాసేసాడు. 

అస్తి...తో 'అస్త్యుత్తరస్యాం దిశ దేవతాత్మా...' అంటూ కుమారసంభవం

'కస్చిత్..తో..'కస్చిత్ కాంతా విరహ గురుణా..' అంటూ మేఘ సందేశం

'వాక్' ..తో..'వాగర్ధావివ సంపృక్తౌ...' అంటూ రఘు వంశం రాసేసాడు.

అసలు నీకు మాటలొచ్చా? అన్న ప్రశ్నకు అమ్మవారు కాళిదాసు నాల్క పైన ఆ మూడు పదాలతో అజరామరమైన మూడు కావ్యాలే పలికించిందన్న విషయం చరిత్రకారులు ఒప్పుకోకపోయినా, భాషాభిమానులు, భక్తి పారాయణులు 'అద్భుతం..' అనకుండా ఉండలేరు.

ఆ కావ్యాల్లో చిన్నది, విరహ శృంగార రస ప్రధానమైనది మేఘసందేశం.

ఇది మొత్తం రెండు సర్గల కావ్యం. మొదటి దాంట్లో 67 శ్లోకాలు ఉంటే రెండో దాంట్లో 57 ఉంటాయి. అంటే మొత్తం 124 శ్లోకాల కావ్యం అన్నమాట. కావ్యం అంతా ఒకటే వృత్తం- మందాక్రాంత. 

చాలా మందికి 'శాంతాకారం భుజగ శయనం పద్మ నాభం సురేశం..' అనే ప్రసిధ్ధ శ్లోకం తెలిసే ఉంటుంది..ఈ కావ్యం మొత్తాన్ని ఆ నడకలో చదువుకోవాలి..

భారత దేశంలో పుట్టినందుకు పోయేలోపు ఒక్క కావ్యమన్నా చదివి ఆస్వాదించాలనే తృప్తికోసమైనా ఈ మేఘసందేశం చదివి తీరాలి. నిజానికి ఇదొక్కటీ ఆస్వాదిస్తూ చదివితే మరికొన్ని కావ్యాలు చదవాలనే కొరిక కలగొచ్చు.

కూబేరుని శాపం వల్ల భార్యకు దూరమైన ఒక యక్షుడు మేఘంతో చేసే తన విరహ సంభాషణే ఈ కావ్య వస్తువు. మేఘంతో సంభాషనేమిటి అర్థం లేకుండా అని అనుకుంటూ ఉండే లోపే 5 వ శ్లోకంలోనే 'ధూమజ్యోతి సలిల మరుతా...' అంటూ విరహ బాధలో ఉన్నప్పుడు సాధ్యాసాధ్యాల బేరీజు వెసుకోవడం, ఇంగితం వంటివి ఉండవని చెబుతాడు కాళిదాసు. ఇక అక్కడి నుంచి నాయకుడైన యక్షుని మనఃస్థితిని అర్థం చేసుకుని తక్కిన కావ్యం సందేహాలు లేకుండా చదివేయొచ్చన్నమాట.

Monday, July 28, 2014

సెల్ ఫోన్

ఈ శతాబ్దంలో అత్యంత వేగంగా నేలనాలుగు చెరగులనూ చుట్టబెట్టిన ఏకైక ఆధునిక పరికరం ఏమిటంటే సెల్ ఫోన్ అని ఇట్టే చెప్పెయ్యొచ్చు. ఓ ఇరవయ్యేళ్ళ క్రితంవరకూ ఎవరికీ తెలియని ఈ ‘బుల్లి పరికరం’ ఈనాడు ‘హస్తభూషణం’ గా తయారయి కూర్చుంది. ‘ఇంటికి ఒక్క ఫోనే’ అబ్బురమనుకునే దేశంలో – ఇంట్లోవున్న నలుగురూ ‘నాలుగు ఫోన్లు – ఎనిమిది రింగులుగా ‘ కాలక్షేపం చేసే కాలం వచ్చేసింది. కుటుంబ సభ్యుల నడుమ మాటా మంచీ తగ్గిపోయి – ముక్కూ మొహం తెలియని వారితో మాటా మంతీ పెరిగిపోయింది.

ఇంకో లెక్క ప్రకారం రెండేళ్ళ క్రితం మన దేశంలోని మొబైల్ ఫోన్ ల సంఖ్య అమెరికాలో వాడే సెల్ ఫోన్లకంటే రెండు రెట్లు ఎక్కువ (ట).

మొబైల్ ఫోన్ల ద్వారా మాట్లాడుకోవడానికే కాదు, సందేశాలు కూడా పంపుకోవడానికి కూడా వీలు వుండడంతో వీటి గిరాకీ మరింత పెరిగిపోయింది. ఈ ఫోన్లు రంగప్రవేశం చేసిన తొలినాళ్ళలో ఈ సౌకర్యం వుండేది కాదు. మొదట జర్మనీ, ఫ్రాన్స్ దేశాలు ఈ దిక్కుగా ఆలోచించాయి. ఆ దేశాల ఫోన్ కంపెనీలు చేసిన కృషి ఫలితంగా – 1992 డిసెంబర్ మూడో తేదీన మొట్ట మొదటి ‘ఎస్ ఎం ఎస్ ‘ ఇంగ్లండ్ లోని నీల్ పాప్ వర్త్ అనే ఒక వ్యక్తి నుంచి వొడా ఫోన్ ద్వారా వెళ్ళింది.

అప్పటినుంచి ఈ చిట్టి పొట్టి సందేశాల ‘సాంకేతిక పిట్ట’ ప్రయాణం ఎదురులేకుండా సాగిపోయింది. అన్నిరకాల మొబైల్ ఫోన్ పరికరాలకు పనికివచ్చే సాంకేతిక పరిజ్ఞానం అందుబాటులోకి రావడంతో – ‘ఎస్ ఎం ఎస్’ ల విశ్వవిహారం మొదలయింది. ఇంగ్లండ్ లో 2006 డిసెంబర్ లో క్రిస్మస్ పండుగ సందర్భంగా – ఒకే ఒక్కరోజున - యిరవై కోట్ల పైచిలుకు ‘ఎస్ ఎం ఎస్’లు - పండుగ శుభాకాంక్షలు తెలుపుతూ - ‘ఫోన్లు మారాయి.’

ఈ లెక్కన ఈ లెక్కలు ఇప్పటికి ఎంతగా పెరిగాయన్నది లెక్కలు కట్టాల్సివుంది.

కానీ ఇలాటి లెక్కలు తీసేవాళ్ళు చెప్పిన ఒక లెక్క ప్రకారం – 2006 నాటికే ఈ ‘ఎస్ ఎం ఎస్’ ల వ్యాపారం ప్రపంచ వ్యాప్తంగా ఎనభై బిలియన్ డాలర్లు దాటిపోయింది.

అమెరికాలాంటి దేశాల్లో వినియోగదారుల నుంచి ఒక్కొక్క ‘ఎస్.ఎం.ఎస్.’ కు పదకొండు సెంట్లు వసూలు చేస్తున్నారు. మరి ఈ ‘వసూలు రాజాల’ కు ఇందుకయ్యే ఖర్చు ‘చిల్లి సెంటు’ కూడా వుండదు. దీన్ని నిలువు దోపిడీ అనాలా లేక అదనపు సదుపాయం కల్పిస్తున్నందుకు వసూలు చేస్తున్న ‘అదనపు’ చార్జీ అనాలా! బియ్యం మిల్లు యజమానులకు ‘తవుడు’ అప్పనంగా మిగిలినట్టే, ఈ కంపెనీలకు ఇదొక అదనపు ఆదాయం.

ఇందులో ‘ఇంత’ వుంది కాబట్టే – ఈ ‘ఎస్ ఎం ఎస్ ‘ ల పేరుతొ ఇన్నిన్ని స్కీములు, ఇన్నిన్నిగేములు.

పేలాలు పంచి పప్పులు దంచుకునేందుకు ఇంకెన్నో టక్కు టమారాలు.

‘పట్టుకుంటే పట్టు చీరె’ నుంచి ‘ఆటాడుకుందాం రా’ వరకు అన్నే ‘ఎస్ ఎం ఎస్’ గేములే.

ప్రతి టీవీ చానల్ లో ప్రతి అంశం మీదా ‘ప్రజాభిప్రాయసేకరణలే. ‘ఎస్ ఎం ఎస్’ లు పంపాలని కోరని చానల్ తెలుగునాట కలికానికి కూడా కానరావడం లేదు.

పైగా ఈ ‘ఎస్.ఎం.ఎస్.’ ల కు వసూలు చేసే ఛార్జీ ఒకటికి నాలుగు రెట్లు ఎక్కువ. కానీ తియ్య నీటికి చేపలు ఎగబడే చందంగా – ఎవరికివారు పోటీలు పడి తమ ‘మొక్కుబళ్ళు’ చెల్లించుకుంటున్నారు. ఎవరి బాగుకోసం ఇదంతా. ఎవర్ని బాగుచేయడం కోసం ఇదంతా. 

బహుళ జాతి కంపెనీల మీద నిలువెత్తున ఎగిరిపడే వాళ్ళు కూడా – చాపకింద నీరులా వ్యాపిస్తూ, సామాన్యుల నడ్డి విరుస్తున్న ఈ ‘ఎస్ ఎం ఎస్’ – వ్యాపార ధోరణులపై ఎందుకు చూపు సారించడం లేదో ఆలోచించాల్సిన విషయం.

టీవీ ఛానళ్ళు సయితం ఈ సంస్కృతిని ఎందుకు పెంచి పోషిస్తూ వున్నాయో, ఇందులోని వ్యాపార ‘మర్మం’ ఏమిటో వెల్లడి చేస్తే బాగుంటుంది.కానీ ఇది జరిగే పనేనా!

‘తప్పులెన్నువారు తమ తప్పులు ఒప్పుకుంటారా!’

Courtesy... Srinivasrao Bhandaru గారు.

Sunday, July 27, 2014

కల్లాపు జల్లుచు కామాక్షి కనుపించె మల్లె పూలలోన మీనాక్షి కనుపించె

కల్లాపు జల్లుచు కామాక్షి కనుపించె

మల్లె పూలలోన మీనాక్షి కనుపించె

నా గేటి సాల్లలో నాగమణి కనిపించే, 

నాగుండె గుడిలోన నాదేవి నివసించె.

/నెమలి కన్ను...// చింతా దీక్షితులు

/నెమలి కన్ను...// చింతా దీక్షితులు

ధగ ధగ మెరిసే కంటిని చల్లే

కళ్ళు నెమలి కెవరిచ్చారో

పరి విప్పుతు అది నాట్యమాడగా

తాండవ కృష్ణుడు జ్ఞాప్తికిరాడా!

మేఘాలoదం. నీలాలందం

కంతల కాటుక కన్నుల అందం

అందాలన్నే జీవందాలిచి

నీలో నాట్యం చేసేనే!

జ్ఞాపకముంటే చెప్పరాదుటే

కృష్ణుని బాల్య క్రీడలు మాతో!

కృష్ణుని వేణికి నీవా అందం

నీకే అందం ఆ వేణా!

చెప్పరాదటే చిన్నీ క్రుష్ణునీ

కూకటి ముడి తో తాండవమాడిన

నాటి వైభవము నీదే అయితే

కృష్ణ గాధలనుకర్ణామృతముగ!

ఆ నాడా ముర లాలించితివట

గోపాలోన్నత శిరమున నిలిచి

మురళీ మోహన దివ్య గీతముల

ప్రతిబింబములా..నీలో తళుకులు!

Saturday, July 26, 2014

ఆదిత్య హృదయం పరమ పవిత్రం.....


ఆదిత్య హృదయం పరమ పవిత్రం.....

.

తతౌ యుద్ధ పరిశ్రాంతం సమరే చింతయా స్థితం

రావణం చాగ్రతో దృష్ట్వా యుద్ధాయ సముపస్థితం

దైవతైశ్చ సమాగమ్య ద్రష్టుమభ్యాగతో రణం

ఉపగమ్యాబ్రవీద్రామం అగస్త్యో భగవానృషిః

.

రామరావణ యుద్ధాన్ని చూడడానికి దేవతలతో కలసి అగస్త్య మహర్షి కూడా వస్తాడు. యుద్ధంలో అలసివున్న రాముడిని చూసిన అగస్త్య మహర్షి "రామా! ఈ సందర్భంగా నీకు వేదంవలె నిత్యమైనదీ, మంగళకరమైనదీ, పురాతనమైనదీ, ఆరోగ్యప్రదాయకమైనదీ, ఆయుర్వృద్ధిని చేసేదీ, అత్యంత ఉత్తమమైనదీ, అతి రహస్యమైనదీ, అత్యంత లాభదాయకమైన ఆదిత్య హృదయాన్ని ఉపదేశిస్తాను" అని పలికి, ఆదిత్య హృదయాన్ని ఉపదేశించాడు.

అగస్త్య ఉవాచ:

రామరామహాబాహో శృణు గుహ్యం సనాతనం

యేన సర్వానరీన్ వత్స సమరే విజయష్యసి

ఓ రామా! గొప్ప బాహువులు గల రామా! ఈ రహస్యమును విను. నీకు యుద్ధంలో విజయం కలుగును గాక!

.

ఆదిత్యహృదయం పుణ్యం సర్వశత్రువినాశనం

జయావహం జపేన్నిత్యం అక్షయం పరమం శివం

.

ఈ ఆదిత్య హృదయం వలన పుణ్యం, శత్రు నాశనం కలుగును. దీనిని చదువుట వలన జయం, శుభం, పరము కలుగును.

.

సర్వమంగళమాంగళ్యం సర్వపాపప్రణాశనం

చింతాశోకప్రశమనం ఆయుర్వర్ధన ముత్తమం

.

ఇది అత్యంత శుభకరమైనది, మంగళకరమైనది, అన్ని పాపములను నాశనం చేయునది. చింత, శోకం, ఒత్తిడిలను తొలగించి ఆయుర్వృద్ధి కలిగించును

..

రశ్మిమంతం సముద్యంతం దేవాసుర నమస్కృతం

పూజయస్వవివస్వంతం భాస్కరం భువనేశ్వరం

.

ప్రకాశకుడైన, దేవాసురులచే పూజింపబడిన, తన ప్రకాశంతో లోకాన్ని ప్రకాశింపజేస్తున్న ఆ భువనేశ్వరున్ని పూజింపుము

..

సర్వ దేవాత్మకో హ్యేశ తేజస్వీ రశ్మిభావనః

ఏశ దేవాసురగణాన్ లోకాన్ పాతి గభస్తిభిః

.

ఈ ఆదిత్యుడు సకలదేవతలకు ఆత్మయైనవాడు. గొప్ప తేజం కలవాడు. తన కిరణాలతో లోకాలను రక్షిస్తుంటాడు. తన కిరణాలను ప్రసరింపజేయడం ద్వారా ఎండావానలను కలిగించి దేవదానవులను, సకలజనులను కాపాడుతున్నాడు.

.

ఏశ బ్రహ్మా చ విష్ణుశ్చ శివః స్కందః ప్రజాపతిః

మహేంద్రో ధనదః కాలో యమస్సోమో హ్యపాంపతిః

.

ఇతడు సమస్త శరీరాలు గలవాడగుటచే, ఇతడే బ్రహ్మా, విష్ణువు, కుమారస్వామి, ప్రజాపతుల రూపం, దేవేంద్రుడు, కుబేరుడు, కాలుడు, యముడు, చంద్రుడు, వరుణుడు. 

.

పితరో వసవః సాధ్యాః అశ్వినౌ మరుతో మనుః

వాయుః వహ్నిః ప్రజాప్రాణా ఋతు కర్తా ప్రభాకరః

ఇతడే పితృదేవతలు, వసువు, పంచభూతాలు, ప్రజలు శరీరంలోని ప్రాణవాయువు. ఋతువులను కలిగించే ప్రభాకరుడు.

ఆదిత్య స్తోత్ర ప్రారంభం :

ఆదిత్యః సవితా సూర్యః ఖగః పూషా గభస్తిమాన్

సువర్ణసదృశో భానుః హిరణ్యరేతా దివాకరః

.

నీవు అదితి కుమారుడవు. నీవు సూర్యుడవు. నీవు ఆకాశంలో సంచరించేవాడివి. వర్షంతో జగాన్ని పోషించేవాడవు. పసిడి కిరణములు కలవాడవు. బంగారు తేజస్సు కలవాడవు. భానుడవు, హిరణ్యం రేతస్సుగా కలవాడవు. నీవు దివాకరుడవు.

.

హరిదశ్వస్సహస్రార్చిః సప్తసప్తిర్మరీచిమాన్

తిమిరోన్మథనః శంభుస్త్వష్టా మార్తండ అంశుమాన్

.

నీవు ఆకుపచ్చ గుఱ్ఱములు కలవాడవు. సహస్ర కిరణములు కలవాడవు. చీకటిని సంహరించేవాడివి. శుభములు కలుగజేసేవాడివి. బ్రహ్మాండాన్ని మరలా జీవింపజేయువాడవు. ప్రకాశవంతమైనవాడవు.

.

హిరణ్యగర్భః శిశిరస్తపనో భాస్కరో రవిః

అగ్నిగర్భోఅదితేః పుత్రః శంఖః శిశిరనాశనః 

.

నీవు హితమనే రమణీయ మనస్సు కలవాడవు. చల్లనివాడవు. అగ్నిగర్భుడవు. అదితిపుత్రుడువు. సాయంకాలంలో శమించువాడవు. మంచును పోగొట్టేవాడవు.

.

వ్యోమనాథ స్తమోభేదీ ఋగ్ యజుస్సామ పారగః

ఘనవృష్టిరపాం మిత్రో వింధ్య వీథీ ప్లవంగమః

.

ఆకాశానికి నాధుడవు. చీకటిని పోగొట్టేవాడవు. ఋగ్వేదం, యజుర్వేదం, సామవేదంల పారంగుడవు. గొప్ప వర్షాన్ని కురిపించేవాడవు. నీటికి మిత్రుడవు. ఆకాశామార్గమున శీఘ్రంగా పోయేవాడవు.

/

ఆతపీ మండలీ మృత్యుః పింగళః సర్వతాపనః

కవిర్విశ్వో మహాతేజా రక్తః సర్వ భవోధ్భవః

.

ఎండ నిచ్చేవాడవు. గుండ్రనివాడవు. మృత్యువువి. ఉదయాన్నే లేతకిరణంలు కలవాడవు. మద్యాన్నం సర్వాన్ని తపింపజేయువాడవు. కవివి. మహాతేజుడవు. సమస్త కార్యాలకు కారణభూతుడవు.

.

నక్షత్ర గ్రహతారాణాం అధిపో విశ్వ భావనః

తేజసామపి తేజస్వీ ద్వాదశాత్మన్నమోస్తుతే

.

నక్షత్రాలకు గ్రహాలకు నాయకుడవు. నీవే ఈ విశ్వ ఉనికికి కారణం. అన్ని తేజస్సుల కంటే తేజస్సును ఇచ్చువాడవు. ద్వాదశాదిత్యులలో అంతర్యామివైన నీకు నమస్కారం

..

నమః పూర్వాయ గిరయే పశ్చిమే గిరయే నమః

జ్యోతిర్గణానాం పతయే దినధిపతయే నమః

.

తూర్పుకొండతో కూడినవాడికి నమస్కారం. పడమటకొండతో కూడినవాడికి నమస్కారం. జ్యోతిర్గణాలకు అధిపతివైన నీకు నమస్కారం. పగటిని కలిగించే నీకు నమస్కారం.

.

జయాయ జయభద్రాయ హర్యశ్వాయ నమో నమః

నమో నమః సహస్రాంశో ఆదిత్యాయ నమో నమః

.

జయుడకి నమస్కారం. జయభద్రునికి నమస్కారం. పచ్చని గుఱ్ఱములు గల నీకు నమస్కారం. సహస్రాంసునకు నమస్కారం.

.

నమ ఉగ్రాయ వీరాయ సారంగాయ నమో నమః

నమః పద్మ ప్రబోధాయ మార్తాండాయ నమో నమః

.

ఉగ్రునకు నమస్కారం. వీరునకు, వేగంగా పయనించే నీకు నమస్కారములు. కమలములను వికసింపజేయు నీకు నమస్కారం. మార్తుండునికి నమస్కారం.

.

బ్రహ్మేశానాచ్యుతేశాయ సూర్యోదయాదిత్యవర్చసే

భాస్వతే సర్వభక్షాయ రౌద్రాయ వపుషే నమః.

.

బ్రహ్మా, విష్ణు, మహేశుల అధిపతికి నమస్కారం. ఆదిత్య వర్చస్సుతో ప్రకాశించువానికి నమస్కారం. సర్వభక్షకునికి నమస్కారం.

.

తమోఘ్నాయ హిమఘ్నాయ శత్రుఘ్నాయామితాత్మనే 

కృతఘ్నఘ్నాయ దేవాయ జ్యోతిషాం పతయే నమః

.

చీకటిని పోగొట్టువానికి నమస్కారం. శత్రువులను వధించేవానికి నమస్కారం. గొప్ప తేజస్సు గలవానికి నమస్కారం. స్వయంప్రకాశం గలవానికి నమస్కారం. దేవునికి, జ్యోతిషపతికి నమస్కారం.

.

తప్త చామీకరాభాయ వహ్నయే విశ్వకర్మణే

నమస్తమోభినిఘ్నాయ రుచయే లొకసాక్షిణే

.

బంగారుకాంతివంటి కాంతి కలవాడు, అగ్నిరూపునకు, జగత్తుకు కారణమైనవాడికి నమస్కారం. విశ్వకర్మకు నమస్కారం. ప్రకాశాస్వరూపునకు నమస్కారం. లోకసాక్షికి నమస్కారం.

.

నాశయత్యేష వై భూతం తదైవ సృజతి ప్రభుః

పాయత్యేష తపత్యేష వర్షత్యేష గభస్తిభిః

.

ఈ ఆదిత్యుడే మహా ప్రళయకాలంలో ప్రపంచాన్ని నాశనం చేస్తాడు. తిరిగి తానే జగత్తును సృష్టిస్తాడు. నాశకాలం తప్ప, తక్కిన కాలంలో చక్కగా పరిపాలిస్తాడు.ఇతడు కిరణాలతో శోశింపజేస్తాడు, ఎండా, వానలను ఇస్తాడు.

.

ఏష సుప్తేషు జాగర్తి భూతేషు పరినిష్ఠితః

ఏష చైవాగ్నిహోత్రంచ ఫలం చైవాగ్నిహోత్రిణాం

.

సకల జీవులు నిద్రిస్తుండగా, వాటిలో అంతర్యామిగా మేల్కొని ఉంటాడు. అగ్నిహోత్రం, అగ్నిహోత్రఫలమూ ఇతడే. 

.

వేదాశ్చ క్రతవశ్చైవ క్రతూనాం ఫలమేవ చ

యాని కృత్యాని లోకేషు సర్వన్యేషు రవి: ప్రభుః 

.

వేదాలు, యజ్ఞాలు, యజ్ఞఫలమూ ఇతడే. లోకంలోగల సర్వకార్యములకు ఈ రవియే ప్రభువు.

.

ఏనమాపత్సు కృచ్చేషు కాంతారేషుభయేషు చ

కీర్తయన్ పురుషః కశ్చిన్నావసీదతి రాఘవః 

.

రామా! ఆపదలలో, భయంకలిగించే ప్రదేశాలలో, ఈ స్తోత్రంతో సూర్యుడిని కీర్తించేవాడు అన్ని ఆపదలనుండి రక్షింపబడతాడు.

పూజయస్వైనమేకాగ్రో దేవదేవం జగత్పతిమ్ 

ఏతత్ త్రిగుణితం జప్త్వా యుద్ధేషు విజయిష్యసి

.

నువ్వు మనస్సును ఏకాగ్రంచేసి ఆ దేవదేవుడు జగన్నాధుడైన సూర్యున్ని ఆరాదించు. ముమ్మార్లు ఈ స్తోత్రాన్ని జపిస్తే యుద్ధంలో విజయం నీకే.

.

అస్మిన్ క్షణే మహాబాహో రావణం త్వం వధిష్యసి

ఏవముక్త్వా తదాగస్త్యో జగామ చ యథాగతమ్

.

'మహాపరాక్రమశాలీ! నువ్వు ఈ క్షణాన్నే రావణుని సంహరిస్తావు' అని రామునితో అగస్త్య మహర్షి చెప్పి అక్కడినుండి నిష్క్రమిస్తాడు.

.

ఏతచ్చ్రుత్వా మహాతేజా నష్టశోకోభవత్తదా

ధారయామాస సుప్రీతొ రాఘవః ప్రయతాత్మవాన్

.

అప్పుడు మహాతేజోవంతుడైన రాముడు ధైర్యంతో ఆనందమును పొంది, నిర్మల హృదయంతో ఆదిత్య హృదయంను జపించాడు.

.

ఆదిత్యం ప్రేక్ష్య జప్త్వాతు పరంహర్ష మవాప్తయాన్

త్రిరాచమ్య శుచిర్భూత్వా ధనురాదాయ వీర్యవాన్

.

రాముడు అలా ఆదిత్య హృదయమును జపించి మహదానందభరితుడయ్యాడు. తర్వాత ముమ్మార్లు ఆచమనం చేసి, మిగుల పరాక్రమముతో విల్లు ధరించాడు.

.

రావణం ప్రేక్ష్య హ్రుష్టాత్మా యుద్ధాయ సముపాగమత్

సర్వ యత్నేన మహతా వధే తస్య ధృతోభవత్

.

శ్రీరాముడు రావణున్ని చూసి ఉత్సాహంతో యుద్ధం చేయడం ప్రారంభించాడు. రావణున్ని సంహరించాలని ధృడంగా నిశ్చయించుకున్నాడు

..

అథ రవి రవదన్నిరీక్ష్య రామం

ముదితమన్యాః పరమం ప్రహృష్యమాణః

నిశిచరపతి సంక్షయం విదిత్వా

సురగణమధ్యగతో వచస్త్వరేతి

.

అలా తనను జపించుతున్న శ్రీరామున్ని చూసి, రాక్షసరాజు వినాశనంను గ్రహించి, చాలా ఆనందంతో 'నీవింక రావణుని వధింప త్వరపడమని, నీకు విజయం తధ్యమ'ని సూర్యభగవానుడు రామునితో చెప్పెను.

ఇతి ఆదిత్య హృదయే సంపూర్ణం.

భారత్ ......

భారత్ 

భారత్ అనే పదం రెండు పదాల నుంచి ఉద్భవించింది. 

భాః అంటే వెలుగు, జ్ఞానం, భగవంతుడు అని అర్దం. 

రతః అంటే రమించేవాడు అని అర్దం.

భారతః అంటే సదా భగవంతుని యందు రమించేవాడు అని అర్దం. 

ఈ దేశంలో పుట్టడమే అదృష్టం. 

Roman Holiday ...

Roman Holiday ...

A 1953 romantic comedy directed and produced by William Wyler.

It stars Gregory Peck as a reporter and Audrey Hepburn as a royal princess out to see Rome on her own.

Hepburn won an Academy Award for Best Actress for her performance; the screenplay and costume design also won.

In Hindi l had seen 1. Chori chori.. Raj kapoor & Nargis..

2.Basanth ...Shammikapoor .& Nuthan.

3. Dil tho mantha nahi...Ameer khan & Pooja Bhatt..

based on this film..

Telugu Malleswari.. also is basd on the same...

You may add some more...


ఏలనో నావిభుడు నన్నేలగ రాడాయె.....

వాలుజడ వేసికొంటి వన్నెల చీరను గట్టితీ

జాలువారే పైటలోన జలదరింపులనోపనైతి

ఏలనో నావిభుడు నన్నేలగ రాడాయె.....

Friday, July 25, 2014

మహానటి సావిత్రి..

మహానటి సావిత్రి..

.

: మరులుగొల్పు మలయ మారుత మత్తేభ మందగమన మాధుర్య మధుశాల సావిత్రి, సొంపైన సొగసు సోయగాలు నింపి సుగంధ సౌరభాలు వెదజల్లు సుందరాంగి సావిత్రి, నిండుదనమే నిచ్చెనగా,హుందాతనమే హొయలుగా రంజింపు రసమయే సావిత్రి,\

గహన గాంభీర్య సన్నివేశ సమాహారంబున అలవోక సజీవ ప్రదర్శనమే సావిత్రి !!


అందాల చందమామ..నిన్ను చూసి అలలు లేచి

ఎగిసినవే భామ....భలే మురేసినే..భామా.

x

// కో కిలా లాపము//


// కో కిలా లాపము//

మధుర పల్లవ పుష్ప సంభరిత చూత

పోతమును నుజ్జగించి,యో ముగ్ధ పికమ,

చేదు నిండిన య వేప చెట్టు మీద

గాకులను గూడి యుంటకు గతము చెపుమ!

మౌనమును మానుకొని పంచమ స్వరమున

గుహి కుహీ నాద మొకటి పల్కుముపికంబ!

కానిచో నెట్లు గుర్తింప గలము నిన్ను

గాకి మూకలలోన మాకంద సాఖి

కోకిలా! నీ శరీరము నలుపు,

అదియు బర బోషితమ్ము,వనాంతరముల

నితర విహగమ్ముల నుకూడి యెగురుచుందు;

చెవుల నమృతంబు బిందువుల్ చిలుకు నేర్పు

నే గరుక్మంతునొద్ద గ్రహించినావు?

ప్రాంగణముచేరి కావు కావనుచు గర్ణ

పరుషముగ గూయు కాకిని బార ద్రోలి

ఎచటనో కొమ్మలందు గుహీరవమ్ము

సలుపు కోకిల దెస జూపు నిలుపుబుధుడు.

అరచెదవు,.గంతు వేసెద.వడిచి పెడేద,

వేమి చేసిన నీ లోపమేమి? కాక;

కోకిలావాస చూతమ్ము నీకు కూడ

వసతి చేసిన విధి ననవలెను గాక.

తాలుచును గాక నల్లని తనువు,ఫలర

సమ్ములను గ్రోలుగాక,రసాల శాఖ

నధి వసించు గాక యుద్యాన వీధి

సంచరించును గాక,సుస్వర కళా ప్ర

గల్భతన్ గాకి కాకె,పికమ్ము పికమె.

.............. ( పింగళి లక్ష్మీ కాంతం గారి రచన)

యేకాంతసేవ....

ఎంతగానో నామది యేకాంతసేవకు వేచియుండ

ఇంతలో నాకాంతుని అల్లంత దూరమునందు గాంచితి


Meraj Fathima......

నాకు శత్రువులంటూ ఎవరూ లేరు నా మనస్సే నాకు బద్ద శత్రువు.

(రోజూ కొత్త,కొత్త ఆలోచానాస్త్రాలతో నాపై దాడి చేస్తుంది )


Thursday, July 24, 2014

తాళలేకున్నాను ఓ తాపసీ

 తాళలేకున్నాను ఓ తాపసీ నేను

వేళ మించకుండ వెవేగ రారాద

1. మేను పులకరించె మోము చెమరించె

మేనకను నేను మనసున్న దానను

మనసున మరులాయె మదన తాపమాయె

తనివి తీరగ నన్నుచేరంగ రారాదా

2. జపమాల యెందుకు నీ చెంతనేనుండ

తపము చాలించి నా తాపము తీర్చుమ

కోపగించక వేగ మరులనోదార్చుమ

మాపటి వేళకు మర్మమ్ము తెలియు

రచన: కొడవంటి

ఛందో మంజరి..

ఛందో మంజరి.. SUBBARAO MSV GARICHEA...


ఊయల లూగే ఓ ఉత్పలమాల,

చందనము పూసుకునే చంపకమాల, 

మత్త కోకిల!నీ గళము సరళము,

నీవాలపించే పద్యము తరళము.


తేట తెలుగులో నీవాలపించే గీతి తేటగీతి,

ఆకాశంలో విహరించే ఆటవెలది,

మధురమైన నీ మాటలు మధ్యాక్కరలు,

తేటగీతిన సాగే మత్తేభములు. 


సుందరీ నీ స్వరము సప్తస్వర మంజరి,

మోహన రాగమున ఆలపించవే మాలిని,

నీ లాస్యము శ్రీనాధుని శ్రుంగార సీసము,

నీ భాష్యము విశ్వనాధ కవి రాజ విరాజితము. 


"గమనిక:-

(1) వుత్పలమాల,

(2) చంపకమాల, 

(3) మత్తకోకిల, 

(4) థరలము,

(5) తేటగీథి, 

(6) ఆటవెలది, 

(7) మధ్య్యాక్కర, 

(8) మత్తేభము, 

(9) మంజరి, 

(10) మాలిని, 

(11) సీసము మరియు 

(12) కవిరాజ విరాజితము.....ఛంధస్సును అధారంగా చేసుకొని తెలుగు పద్యాలకు పెట్టిన పేర్లు."

x

ఈశావాస్యోపనిషత్తు

@.జాజి శర్మగారు.

1. ఈశావాస్యోపనిషత్తు


ఈశావాస్యోపనిషత్తు ఏ వేదంలో ఉంది?

ఈశావాస్యోపనిషత్తు శుక్ల యజుర్వేదంలో ఉంది.


ఈశావాస్యోపనిషత్తు అనే పేరు ఎందుకు వచ్చింది?

ఈ ఉపనిషత్తు 'ఈశావాస్య' అనే పదంతో ప్రారంభం అయ్యింది ఈశావాస్యోపనిషత్తు అనే పేరు వచ్చింది. దీనినే ఈశోపనిషత్తు అని కూడా అంటారు. 


ఈ ఉపనిషత్తులో ఎన్ని మంత్రాలు ఉన్నాయి?

ఇందులో 18 మంత్రాలు ఉన్నాయి. 


ఈశావాస్యోపనిషత్తు అందించిన ప్రధానమైన సందేశం ఏమిటి? 

ఈ చరాచర ప్రపంచం అంతా ఈశ్వరుడి చేత ఆచ్చాదింపబడిందని, అందుచేత 'నేను', 'నాది' అనే భావాలు పరిత్యజించి, త్యాగబుద్ధితో, లోభరహితంగా, లభించిన దానితో సంతృప్తి చెంది అనుభవించడమే ఉత్తమ నైతిక జీవనమనే ఉదాత్త సందేశంతో ప్రారంభామవుతుందీ ఉపనిషత్తు.


పరమాత్మ 'విశ్వవ్యాపి' అని చెప్పే మంత్రం ఏది?

ఈశావాస్య మిదగ్ం సర్వం 

యత్కించ జగత్యాం జగత్ 

ఈ సూక్తి ఈ ఉపనిషత్తులో మొదటి మంత్రంలో మొదటి పాదం. ఈ దృశ్యమాన విశ్వం ఈశ్వరుడి చేత కప్పబడి ఉంది - అంటే భగవంతుడు విశ్వవ్యాపకుడని అర్థం. 

వివరణ: ఈ విషయం వేదంలో అనేక చోట్ల ప్రస్తావించ బడింది. ప్రసిద్ధమైన నారాయణ సూక్తంలో 

"యచ్చ కించిజ్జగత్సర్వమ్ దృశ్యతే శ్రూయతే2పివా

అంతర్బహిశ్చ తత్సర్వం వ్యాప్య నారాయణః స్థితః"

అని ఉంది. 

ఈ ప్రపంచంలో కనిపించేది, వినిపించేది ఏది ఉందో, దాని లోపల, బయట ఉన్నవాడు నారాయణుడే (అంటే బ్రహ్మమే). ఇలా అంతా బ్రహ్మ మయమే అని గ్రహించి మానవుడు ఆయన మీదే మనస్సు లగ్నం చెయ్యాలని సందేశం. 


త్యాగం చెయ్యవలసిందని, పరుల ద్రవ్యాన్ని అపహరించ వద్దని చెప్పిన వచనం ఏది? 

లోభం గర్హించదగింది అని చెప్పే మంత్రం ఇది. 


తేన త్యక్తేన భుంజీథా మా గృధః కస్య స్విద్ధనమ్ 


ఇది మొదటి మంత్రంలో రెండవ భాగం. ఈ చరాచర ప్రపంచమంతా భగవన్మయమే అయినప్పుడు, ఈ వస్తువు నాది, నేను సంపాదించాను అనుకోవడం అజ్ఞానం. భోగ్య వస్తువులను వేటినయినా తన ప్రయోజకత్వంతో సాధించాననే అహంకారంతో కాకుండా, భగవద్దత్తమైనవనే భావంతో, త్యాగ బుద్ధితో, అనాసక్తతతో అనుభవించుచూ ఎవరి ధనాన్ని ఆశించ వద్దు అని దీని అర్థం. 


పరబ్రహ్మ పరిపూర్ణమూ లేక సంపూర్ణమూ అని చెప్పే శాంతి వచనం ఏమిటి? 


బ్రహ్మ ఎప్పుడూ పూర్ణమే!


ఓం పూర్ణమదః పూర్ణమిదం పూర్ణాత్పూర్ణముదచ్యతే

పూర్ణస్య పూర్ణమాదాయ పూర్ణమేవావశిష్యతే 

ఓం శాంతిః శాంతిః శాంతిః 


భగవంతుడు పూర్ణం (అదః పూర్ణం), ఈ విశ్వమూ పూర్ణమే (ఇదం పూర్ణం), పూర్ణమైన ఆ భగవంతుని నుండే ఈ పూర్ణమైన విశ్వం కూడా ఆవిర్భవించింది. పూర్ణం నుండి పూర్ణమును పరిహరిస్తే మిగిలేదీ పూర్ణమే.

వివరణ: బ్రహ్మం నుండి నామ రూపాలుగా విశ్వం ఆవిర్భవించి నప్పుడు, మళ్ళీ ప్రళయం వచ్చినప్పుడు, విశ్వం బ్రహ్మంలో లీనమైనప్పుడు - అంటే అన్ని స్థితులలోనూ బ్రహ్మం పూర్ణమే. విశ్వం అశాశ్వతం. బ్రహ్మం శాశ్వతం. విశ్వం శాశ్వతం అనుకోవడమే అవిద్య. విశ్వం శాశ్వతం కాదని ఆధునిక సృష్టి సిద్ధాంతం కూడా చెపుతుంది. ఆ విషయాన్ని వేల సంవత్సరాల నాడు వేదం ఈ మంత్రం ద్వారా సూచించింది. సృష్టికి కావలసిన ద్రవ్యం ఏది అనే ప్రశ్నకు ఆధునిక శాస్త్రజ్ఞుల వద్ద సమాధానం లేదు. బ్రహ్మమే - శుద్ధ చైతన్యమే ద్రవ్యంగా విశ్వావిర్భావం జరిగిందని ఈ మంత్రం ద్వారా సూచించి ఆధునిక శాస్త్రజ్ఞుల కంటే ఒకడుగు ముందరే ఉంది వేద విజ్ఞానం. 


ఈ మంత్రం పిల్లలతో సహా అందరికి రావలసిన శుభకర మంత్రం. 


పరమాత్మ యొక్క విశిష్ట లక్షణాలను వర్ణించే వచనం ఏమిటి? 


ఆ వాక్యం ఇది: 

తదేజతి తన్నైజతి

తద్దూరే తద్వంతికే 

త దంతరస్య సర్వస్య 

తదు సర్వస్యాస్య బాహ్యతః 

ఇది ఈ ఉపనిషత్తులో ఐదవ మంత్రం. దీని అర్థం - ఆత్మతత్వం చలిస్తుంది, చలించదు, దూరంగానూ ఉంటుంది. జగత్తు లోపలా బయటా కూడా ఉంటుంది. అలాగే పాండిత్యానికి పరిమితమైన వారికి అది దూరమే, యోగులకు దగ్గరే. 

వివరణ: 

ఆత్మ సర్వ వ్యాప్తం - తనలో నున్న ఆత్మతత్వం ఇతరులలో నున్న ఆత్మతత్వం ఒకటే అనే జ్ఞానం లోపించినపుడు గుడికి ఎంత దగ్గరగా నున్నా - అంటే ఎన్ని దేవాలయాలు సందర్శించినా, ఎంత పాండిత్యం సంపాదించినా దైవానికి దూరమే. గుడికి దగ్గిర - దైవానికి దూరం అనే అర్థం వచ్చే ఆంగ్ల సామెత ఉద్భవించక ముందే ఈ విషయాన్ని ఉపనిషత్తు బోధించింది. ఆత్మావలోకనం చేసిన యోగులకు మాత్రమే ఆత్మతత్వం దగ్గరగా ఉంటుంది.


సర్వ వ్యాప్తమైన ఆత్మతత్వానికి అచంచలత్వం స్వాభావికం. కాని మన ఇంద్రియాలు చలించేవి గనుక ఆ చలనం ఆత్మతత్వం మీద ఆరోపించి అది చలిస్తుందని మనం భ్రమలో ఉన్నాం. అది పొరపాటని ఈ మంత్రం మొదట వివరించింది. 


సకల జీవుల యెడల సౌభ్రాతృత్వాన్ని కలిగి ఉండాలని సందేశాన్ని అందించిన వచనం ఏది? 


ఆ వచనం ఇది: 

యస్తు సర్వాణి భూతాని ఆత్మన్యేవానుపశ్యతి 

సర్వభూతేషుచాత్మానం తతో న విజుగుప్సతే 

యస్మిన్ సర్వాణి భూతాని ఆత్మైవాభూద్విజానతః 

తత్ర కో మోహః కః శోకః ఏకత్వమనుపశ్యతః 


ఈ రెండు మంత్రాలు (6, 7) ఈ ఉపనిషత్తుకి గుండెకాయ వంటివి. వీటి అర్థం ఇది: 


"ఎవ్వడైతే ప్రపంచంలోని అన్ని ప్రాణులను ఆత్మస్వరూపుడగు తనలో చూచుచున్నాడో, అలాగే అన్ని ప్రాణులలోను ఆత్మ స్వరూపుడగు తనను చూచుచున్నాడో అతడు ఎవ్వరినీ ద్వేషించడు. అలాగే బ్రహ్మజ్ఞాని అయినవాడు, సర్వాంతరాత్మగా ఉన్నది ఆ పరమేశ్వరుడే అని గుర్తెరిగి తనకు ఇతరులకు మధ్య భేద భావం పరిత్యజిస్తాడు. అలాంటి వానికి శోకం గాని, మొహం గాని ఉండవు"


వివరణ: 

ప్రపంచాన్ని పట్టి పీడిస్తున్నది భేద భావమే. ఇది తొలగినపుడు వివాదాలకు, యుద్ధాలకు, ఉగ్రవాదానికి తావెక్కడుంటుంది? మత ఛాందస వాదం ఎక్కడ ఉంటుంది? సర్వ మానవ సమానత్వం అన్నది అందరిలో నున్న పరమాత్మ ఒక్కడే అన్న ఉపనిషత్సూక్తిని గ్రహించిన వాళ్లలోనే కలుగుతుంది. 


ఉపనిషత్సారం హిందువుల రక్తంలో ఉంది గనుక ఎన్నడూ మనం ఇతర దేశాల మీదకి దండయాత్ర చెయ్యలేదు. అంటే కాక ఇతర దేశాల నుండి వచ్చిన అన్యమతస్తులకు ఆశ్రయం కూడా భారతదేశం కలిగించింది.


ఈశావాస్యోపనిషత్తు అందించిన సమన్వయ సిద్ధాంతం ఏమిటి?


ఏకాగ్రత సంపాదించి దేవతాజ్ఞానాన్ని అభ్యసించాలని పతిపాదించింది. అలాగే భక్తీ, జ్ఞాన మార్గాలను విడివిడిగా కాక సమన్వయము చేసి ఆచరించాలని భోధించింది. భార్య, పుత్రులు, సంపద - వీటి మీద వ్యామోహం వదలాలని ఉపదేశించింది. దీనిని ఏషణాత్రయ పరిత్యాగం అంటారు, అలాగే సమాజ ప్రగతికి ప్రవ్రుత్తి మార్గంలోనూ, ఆత్మోధరణకు నివృత్తి మార్గంలో నిస్సంగంగాను ఉంటూ, ప్రవ్రుత్తి, నివృత్తి మార్గాల సమన్వయం పాటించాలి అని ఉపదేశించింది. 


ఇలా ఆధ్యాత్మిక జీవనం, లౌకిక జీవనం పరస్పర విరుద్ధాలు కావని, వీటిని చక్కగా సమన్వయము చేసి పరిపూర్ణమైన జీవనం సాగించవచ్చుననే సమన్వయ దృక్పథాన్ని ఈ ఉపనిషత్తు ఆవిష్కరిస్తుంది. 


ఈశావాస్యోపనిషత్తులోని చివరి ప్రార్థన ఏమిటి?


ఈ ఉపనిషత్తులోని చివరి ప్రార్థనా మంత్రము - 


అగ్నే నయ సుపథా రాయే అస్మాన్ 

విశ్వాని దేవ వయునాని విద్వాన్ 

యుయోధ్యస్మజ్జుహురాణమేనో 

భూయిష్ఠాం తే నమ ఉక్తిం విధేమ 


అగ్నిదేవా! మమ్ము సరైన మార్గంలో, భాగ్యవంతులమగునట్లుగా నడిపింపుము. నీవు అన్ని మార్గములను తెలిసినవాడవు. పాపము మమ్ములను చేరకుండునట్లుగా చేయుము. నీకు అనేక ప్రార్థనా నమస్కారములను సమర్పించుచున్నాము. — with జాజి శర్మ.

Wednesday, July 23, 2014

పూరీజగన్నాథ స్వామి....

పూరీజగన్నాథ స్వామికి సంబంధించినటువంటి పురాణాలలో క్షేత్ర చరిత్రలలో ఒక అద్భుతమైన విషయం ఉన్నది. ఒకప్పుడు కర్ణాటక దేశానికి చెందినటువంటి ఒక మహాగణపతి భక్తుడు శ్రీక్షేత్రానికి వెళ్ళాడు. శ్రీక్షేత్రం అంటే పూరీ. వాళ్ళకి భేదం లేదు. ఏ భక్తులమైనా ఏ దేవతా క్షేత్రానికైనా వెళతాం కదా! భేదం లేదు కానీ ఇష్టం గణపతి అంటే. విష్ణు క్షేత్రమైన ఆ పూరీ క్షేత్రానికి వెళ్ళారట స్వామి దర్శనం కోసం. వెళ్ళి మనస్సులో గణపతిని ధ్యానిస్తున్నాడు. జగన్నాథ స్వామిని చూసి నమస్కారం చేస్తూండగా ఆ జగన్నాథుడు గణపతిగా కనపడి తొండం చాచి అతనిని చుట్టి తనలోపలికి లీనం చేసుకున్నాడట. ఇప్పటికీ దానికి తార్కాణంగా దానికి కథ చెప్పడమే కాకుండా జ్యేష్ఠ శుద్ధ పాడ్యమినాడు స్వామి వారికి గణపతి అవతారం వేస్తారు జగన్నాథ స్వామికి. గణపతి ముఖం పెట్టి వేస్తారు. దీనినిబట్టి గణపతికీ, విష్ణువుకూ వాళ్ళు అభేదాన్ని పాటిస్తూ అది వాళ్ళు తరువాత జరుపబోయే రథయాత్రకి నెలముందు చేస్తారీపని. అదంతా నిర్విఘ్నంగా జరగడం కోసం విష్ణు స్వరూపుడైన గణపతి, గణపతి స్వరూపుడైన విష్ణువు మాకు సహకరించవయ్యా అని ప్రార్థన చేస్తారు. అప్పుడు స్వామికి నేత్రాలను ప్రక్షాళన చేయడం (కన్ను కడగడం అంటారక్కడ) చేసి అవతారం వేసి స్వామిని కొట్లో పెడతారు అని చీకటి కొట్లో పెట్టి తలుపువేస్తారు. మళ్ళీ రథయాత్రకు పూర్వకాలంలో తీయడం జరుగుతుంది. ఇదంతా అక్కడ జరిగే ఆచారం. గణపతి విష్ణువు స్వరూపం అని తెలిశాక శుక్లాంబరధరం విష్ణుం మరింత స్పష్టంగా మనకి అర్థమౌతుంది.

ఇలా బ్రహ్మరుద్రవిష్ణు గణాలకి పతియైన కారణంగా స్వామివారికి గణేశుడని పేరిచ్చారు. — with Samavedam Shanmukha Sarma.


Tuesday, July 22, 2014

జన్మరాహిత్యం..

మనలో కోరికలున్నంత వరకూ జన్మరాహిత్యం అసాధ్యం అసంభవం కదా.. 

ఆత్మ జన్మను కోరుతునే వుంటుంది కనుక.. అయితే నిజానికి జన్మరాహిత్యం కావాలి

అనేది కూడా ఒక కోరికే కదా.

ఎందుకు ఆ కోరిక మనకు కలిగింది అనే దానిని బట్టి ఆ జన్మరాహిత్యం మనకు దక్కుతుందో లేదో తెలుస్తుంది. వచ్చాక దాన్నేమి చేస్తాం... 

బహుశా శూన్యాన్ని తనలోనూ తన ఆత్మలోనూ, శూన్యం లో తన దేహాత్మల్ని నిరంతరం చూసుకుంటూ వుండెవాడికి ఆ స్థితి దక్కుతుందేమో అనిపిస్తుంది 

Monday, July 21, 2014

ఎందుకే నీ కింత తొందరా...

ఎందుకే  నీ కింత  తొందరా...

పోతనగారి ....పద్య రత్నాలు....

పోతనగారి ....పద్య రత్నాలు....

1. అమ్మల గన్నయమ్మ

అమ్మలఁ గన్నయమ్మ, ముగురమ్మలమూలపుటమ్మ, చాలఁ బె

ద్దమ్మ, సురారులమ్మ కడు పాఱడి వుచ్చిన యమ్మ, తన్ను లో

నమ్మిన వేల్పుటమ్మల మనమ్ముల నుండెడి యమ్మ, దుర్గ, మా

యమ్మ, కృపాబ్ధి యిచ్చుత మహత్త్వకవిత్వ పటుత్వ సంపదల్.

2. అమ్మా మన్నుదినంగ

అమ్మా! మన్నుదినంగ నే శిశువునో? యాఁకొంటినో? వెఱ్ఱినో? 

నమ్మం జూడకు వీరి మాటలు మదిన్; నన్నీవుగొట్టంగ వీ

రిమ్మార్గంబు ఘటించి చెప్పెదరు; కాదేనిన్ మదీయాస్య గం

ధమ్మాఘ్రాణము చేసి నా వచనముల్ తప్పైన దండింపవే.

3. అలవైకుంఠపురంబులో

అల వైకుంఠపురంబులో నగరిలో నామూల సౌధంబు దా

పల మందారవనాంతరామృత సరః ప్రాంతేందు కాంతోపలో

త్పల పర్యంక రమావినోది యగు నాపన్నప్రసన్నుండు వి

హ్వల నాగేంద్రము పాహిపాహి యనఁ గుయ్యాలించి సంరంభియై.

4. ఇంతింతై

ఇంతింతై, వటుఁడింతయై మఱియుఁ దా నింతై నభోవీథిపై

నంతై తోయదమండలాగ్రమున కల్లంతై ప్రభారాశిపై

నంతై చంద్రుని కంతయై ధ్రువునిపై నంతై మహర్వాటిపై

నంతై సత్యపదోన్నతుం డగుచు బ్రహ్మాండాంత సంవర్ధియై.

ప్రాస - అంత

5. ఇందుగలడందు

ఇందు గలఁ డందు లేఁ డని

సందేహము వలదు చక్రి సర్వోపగతుం

డెం దెందు వెదకి చూచిన

నందందే కలఁడు దానవాగ్రణి! వింటే.

ప్రాస - అంద

6. ఎవ్వనిచే జనించు

ఎవ్వనిచే జనించు జగ; మెవ్వని లోపల నుండు లీనమై; 

యెవ్వని యందు డిందుఁ; బరమేశ్వరుఁ డెవ్వఁడు; మూలకారణం

బెవ్వఁ; డనాదిమధ్యలయుఁ డెవ్వఁడు; సర్వముఁ దానయైనవాఁ

డెవ్వఁడు; వాని నాత్మభవు నీశ్వరు నే శరణంబు వేడెదన్.

7. పలికెడిది

పలికెడిది భాగవత మఁట, 

పలికించెడివాడు రామభద్రుం డఁట, నేఁ

బలికిన భవహర మగునఁట, 

పలికెద, వేఱొండు గాథ బలుకఁగ నేలా?

మందార మకరంద

8. మందారమకరందమాధుర్యమునఁ దేలు;

          మధుపంబు బోవునే మదనములకు? 

నిర్మల మందాకినీవీచికలఁ దూఁగు;

          రాయంచ జనునె తరంగిణులకు? 

లలిత రసాలపల్లవ ఖాదియై చొక్కు;

          కోయిల చేరునే కుటజములకుఁ? 

బూర్ణేందుచంద్రికా స్ఫురితచకోరక;

          మరుగునే సాంద్రనీహారములకు?

నంబుజోదర దివ్యపాదారవింద

చింతనామృతపానవిశేషమత్త

చిత్త మేరీతి నితరంబుఁ జేరనేర్చు? 

వినుతగుణశీల! మాటలు వేయునేల?

9. మ్రింగెడి వాడు

మ్రింగెడి వాఁడు విభుం డని 

మ్రింగెడిదియు గరళ మనియు మేలని ప్రజకున్

మ్రింగు మనె సర్వమంగళ

మంగళసూత్రంబు నెంత మది నమ్మినదో?

(ప్రాస - అంగ)

10. లావొక్కింతయులేదు

లావొక్కింతయు లేదు; ధైర్యము విలోలంబయ్యె; బ్రాణంబులున్

ఠావుల్ దప్పెను; మూర్ఛ వచ్ఛెఁ; దనువున్ డస్సెన్; శ్రమంబయ్యెడిన్; 

నీవే తప్ప నితఃపరం బెఱుఁగ; మన్నింపంద గున్ దీనునిన్; 

రావే! యీశ్వర! కావవే వరద! సంరక్షింపు భద్రాత్మకా!

11. శ్రీకృష్ణా యదుభూషణా

శ్రీకృష్ణా! యదుభూషణా! నరసఖా! శృంగారరత్నాకరా! 

లోకద్రోహినరేంద్రవంశదహనా! లోకేశ్వరా! దేవతా

నీకబ్రాహ్మణగోగణార్తిహరణా! నిర్వాణసంధాయకా! 

నీకున్ మ్రొక్కెదఁ ద్రుంపవే భవలతల్ నిత్యానుకంపానిధీ!

12. సిరికింజెప్పడు

సిరికిం జెప్పఁడు; శంఖ చక్ర యుగముం జేదోయి సంధింపఁ; డే

పరివారంబునుఁ జీరఁ' డభ్రగపతిం బన్నింపఁ' డాకర్ణికాం

తర ధమ్మిల్లముఁ జక్క నొత్తఁడు; వివాదప్రోత్థితశ్రీకుచో

పరిచేలాంచలమైన వీడఁడు గజప్రాణావనోత్సాహియై.

 

అరువు ...అమ్మాయి...

.

అరువు ...అమ్మాయి...మన సినిమాలో తెలుగు అమ్మయిలు కరవు... అందుకే అరువు...... ఇది దారుణం... కో అంటే ఎంత మంది అమ్మయిలో ..పొరుగింటి పుల్ల కూర రుచి మరిగేరు మనవారు..

Sunday, July 20, 2014

శూర్పణఖ రావణుని యెదుట సీతాసౌందర్యమును వర్ణించుట.

రామాయణము, అరణ్యకాండము - మొల్ల: ....

శూర్పణఖ రావణుని యెదుట సీతాసౌందర్యమును వర్ణించుట.

..కన్నులు కలువలో? కాము బాణంబులో?

తెలివిగా నింతికిఁ దెలియరాదు,

పలుకులు కిన్నెర పలుకులో? చిలుకల

పలుకులో? నాతి కేర్పఱుపరాదు,

అమృతాంశుబింబమో? యద్దమో? నెమ్మోము

తెంపుతో సతికి భావింపరాదు.

మన్మధుడికి పంచబాణుడు అని కూడ పేరుంది. ఆ ఐదు బాణాలు: అరవిందము (తెల్ల కలువ), అశోకము, మామిడి పూవు, నవమల్లిక, నల్ల కలువ:

అరవిందమశోకంచ

చూతంచ నవమల్లికా

నీలోత్పలంచ పంచయితే

పంచబాణస్య సాయకాః

స్త్రీలు ను మనం గౌరవించాలి..

ఏ ఆడది మొగవారికి వ్యతిరేకం కాదు....లేకపోతే వారితో కాపురం ఎట్లా చేస్త్హారు... కాని మొగ అహంకారంతో వారు చేసి అన్యాయాలు ఎదిరి పోరాడే స్త్రీలు ను మనం గౌరవించాలి..

‪#‎బోనాలు‬

‪#‎బోనాలు‬   (Eco Ganesh)

.ఆషాఢం అనగానే గుర్తుకువచ్చేది #బోనాలు. భాగ్యనగరం (హైద్రాబాదు)లో ఎంతో వైభవంగా జరుగుతాయి. బోనం భోజనం అనే పదానికి వికృతి. మా పిల్లల్ని, కుటుంబసభ్యులను, మొత్తం గ్రామాన్ని చల్లగా చూస్తున్న ఓ జగన్మాత! అందరికి అన్ని ఇవ్వగల నీకు భక్తితో ఈ బోనం సమర్పిస్తున్నానమ్మా! మా అందరి కోసం ఊరి పొలిమేరలో కూర్చున్నావు, నీకు ఏదైనా ఇద్దామంటే నీ దగ్గర లేనిదేది లేదు. కానీ అమ్మ! భక్తితో నీకు బోనం(భోజనం) తెచ్చాను. స్వీకరించి మమ్మల్ని సదా అనుగ్రహించు తల్లీ! అంటూ బోనం సమర్పించి అమ్మకు కృతజ్ఞతలు చెప్తున్నాం.

‪#‎బోనం‬ జగన్మాతకు చెప్పే కృతజ్ఞత

.

లలితా సహస్రనామాల్లో ' ఆబ్రహ్మకీట జననీ్' అని అమ్మకి ఒక నామం, అంటే బ్రహ్మ మొదలుకొని చిన్న కీటకముల వరకు పక్షులు, చెట్లు, గ్రహాలు, సూర్యచంద్రులు, నక్షత్రాలు, మనుష్యులు, దేవతలు మొదలైనవారందరికి ఆమెయే తల్లి అని అర్దం. ఇలా అమాయకుల ప్రాణాలు అనవసరంగా బలవడం అమ్మ(పరమేశ్వరి/జగజ్జనని)కి ఇష్టంలేదు. అందరం ఆమె పిల్లలమే. కాబట్టే అమ్మ మనందరికోసం భూమి మీదకు అనేకమార్లు అనేక రూపాలలో వచ్చింది.

.మన కోసం ఆ జగన్మాత ఊరి పొలిమేరలో గ్రామదేవతగా కూర్చుంది. సంవత్సరమంతా ఎండకు ఎండి, వానకు తడిసి, ఎముకలు కొరికే చలిలో కూడా ఆ శక్తి మనలని, మన గ్రామాల్ని రక్షిస్తూనే ఉంది. ఆమెకు ఏ విధంగానైన సాయం చేయగలమా? అది అసాధ్యం. ధనం ఇద్దామనుకుంటే ఆవిడకు డబ్బు అవసరమే లేదు. అందరికి లక్ష్మీదేవి రూపంలో తానే ధనం తానేఇస్తుంది. మరి గ్రామదేవతకు కృతజ్ఞతలు చెప్పడం ఏలా? అన్నిటిని మనకు ప్రసాదించగల ఆ దివ్యశక్తికి మనం కృతజ్ఞతలు చెప్పుకోవడంలో భాగమే ప్రతి ఏటా నిర్వహించే జాతరలు, బోనాలు, ఉత్సవాలు మొదలైనవి. ఆ సమయాల్లో మొత్తం ఊరు ఊరంతా ఏకమై తరిలివెళతారు.

నవ్వితే...నవ్వండి ...

నవ్వితే...నవ్వండి ...

1..

నీకు విమానాలకు చౌకగా రంగువెయ్యటం ఎలాగో తెలుసునా?” అని శ్రీశ్రీ గారడిగారు. 

“ఏం లేదు, విమానం పైకి వెళ్ళాక చిన్నదైపోతుంది కదా? 

అప్పుడు వెయ్యాలి రంగు” అన్నారు, కలకల నవ్వుతూ.

2,..

రైతుల రుణాలు మాఫీ చేస్తామన్నారు.స్వరం మారుతోంది." 

"మేం ప్రమాణ స్వీకారం నాడే చెప్పాం."

"ఏం చెప్పారు?"

"మాకు ఓటేసి గెలిపించిన ప్రజల రుణం తీర్చుకోలేమని."

3..

అలవాట్లు

స్కాట్స్ కు, ఐరిష్ లకు, ఇంగ్లీషు వాళ్ళకు పడదు.

ఇంగ్లీషువాడు చెప్పినది.

ఇంగ్లీషువాడు ట్రైన్ నిర్లక్ష్యంగా దిగిపోతాడట.

ఐరిష్ వాడు తనవి ఎమైనా వదిలానేమో అని చూచుకుని దిగుతాడట.

స్కాట్ వాడు ఎవరైనా ఎమైనా వదిలివెళ్ళారేమోనని చూచుకుంటూ దిగుతాడట.

4...

"మార్కెన్ డెవిల్" కి వురి శిక్ష పడింది!!

"నీ ఆఖరి కోరిక ఏమిటీ?" అని అడిగారు జడ్జి గారు!

"మా ఆవిడని చూడాలి సార్!!" అన్నాడు "మార్కెన్ డెవిల్" !

"చాచ్చేముందు కూడా నీకు తల్లి తండ్రులని చూడాలని అనిపించటం లేదా??!!" అని అన్నారు జడ్జి గారు! 

"ఇంకో జన్మ ఎత్త గానే తల్లి తండ్రులు వస్తారు సార్!!...కానీ....మళ్లీ పెళ్ళాం కావాలంటే 20 సం.లు ఆగాలి, మరి!!" అన్నాడు "మార్కెన్ డెవిల్" !!

5..

కొత్తగా పెళ్లి అయ్యిన జంట "అతి", "మందమతి " , రైల్ లో వెళుతున్నారు!!

"డార్లింగ్ !! నాకు మెడ చాలా నొప్పిగా వుంది !" అంటూ వొగలు పోయింది "మందమతి"!

"నేనున్నానుగా!!నేను వున్నాను !!చిటికెలో నొప్పి మాయం చేస్తాను, చూడు!!" అని "అతి" గాడు, మెడ మీద ముద్దు పెట్టుకున్నాడు !!

"అరె ! పోయిందే!! ఇట్స్ గాన్!! వావ్!!" అంది "మందమతి!

కాసేపు ఉన్నాక...

"డార్లింగ్ నాకు చెయ్యి నొప్పిగా వుంది!" అంటూ వొగలు పోయింది "మందమతి"!

"నేనున్నానుగా!!నేను వున్నాను !!చిటికెలో నొప్పి మాయం చేస్తాను, చూడు!!" అని "అతి" గాడు, చెయ్యి మీద ముద్దు పెట్టుకున్నాడు !!

"అరె ! పోయిందే!! ఇట్స్ గాన్!! వావ్!!" అంది "మందమతి!

ఇదంతా మన "అయోమయం" గాడు పై బెర్త్ మీద నుండి చూస్తున్నాడు !!

మెల్లెగా కిందికి దిగాడు!!

"మతి" గాడి ఎదురుగ్గా నించున్నాడు!!

"ఎం కావాలి?...అలా చూస్తున్నావెన్దుకూ??!!" అని అడిగాడు "అతి" గాడు!

"బాబ్బాబు !!మీరే పుణ్యం కట్టు కోవాలి!" అన్నాడు "మన "అయోమయం"!

"సరిగ్గా చెప్పు, ఏమిటి నీ ప్రాబ్లెమ్?!" అన్నాడు "అతిగాడు!

"అదేనయ్యా!! నేను ఒక సంవత్సరం నుండి , పైల్స్ తో భాద పడుతున్నాను, మీరు దయచేసి, ఒక ముద్దు,,,,,,....!!!!"అని ఆశగా చూసాడు మన "అయోమయం''!

6..

"మీకు పుట్టినరోజు శుభాకాంక్షలు.. ఇంతకి ఇది మీకు ఎన్నో పుట్టినరోజు" 

అన్నాడు విలేఖర్.. తార అభినయ శ్రీ తో ..

'ఇది నా పదిహేడు పుట్టినరోజు"అంది ఆమె మెలికలు తిరిగి పోతో...

"మరి మీరు అయిదు ఏళ్ళు క్రింద ఇదే మాట అన్నారు.."అన్నాడు

మన విలేఖర్..

అందుకు ఆమె "నేను అప్పుడో మాట ఇప్పుడో మాట చెప్పిదని కాదు" అని కోపగించు కుంది ..

7..

భూమి మీద నివసించే జంతువులూ, పిల్లల్ని కంటాయి!!

అలాగే, గాలిలో ఎగిరే పక్షులు గుడ్లు పెడతాయి...

ఇప్పుడు మీకు ఒక ప్రశ్న !!

....గాలిలో నే ఎగుర్తుంది కానీ పిల్లల్ని పెడుతుంది ...ఎవరో చెప్పుకోండి ??!" అని అడిగింది "లావణ్యా మిస్" 

ఎవరూ మాట్లాడ లేదు 

ఎవరూ చెప్పలేక పోయారు!!

"ఉరేయ్! పిడుగూ!!! నువ్వు చెప్పరా!'' అంది ''లావణ్యా మిస్" 

"ఏర్ హోస్టెస్ !!" అన్నాడు, తడుముకోకుండా "పిడుగు"!!

8..

మీరు పొద్దున్నే లేచి

ముగ్గురిని నిద్ర లేపండి.

వాళ్ళ ముగ్గురిని

మరో ముగ్గురిని లేపమనండి...

ఇలా బద్దకాన్ని

భారతదేశం నుండి తరిమేయవచ్చు.

గమనిక :

నన్ను మాత్రం లేపొద్దు

9..

ఈ చీరను స్వంతం చేసుకోవాలంటే వెంటనే కాల్చేయండి! 

ఆవిడెవరో టీ వి లో చెపుతున్నారు. ఎవర్నో చెప్పలేదు.

ఎలా చచ్చేది.... పోలీసుకు ఫోను చెయ్యాలి..

10..

"ఇంజేనీరిగ్ కాలేజీ ప్రొఫెసర్లు ఒక విమానం ఎక్కారు!!"

పైలట్ వచ్చి,"ముందుగా మీకు వెల్కం !!నేను, మీరు అన్దరూ గర్వ పడే ఒక విషయం చెబుతాను!!

ఈ విమానం మీ కాలేజీ విద్యార్థులు తయారు చేసిందే ...ఈ రోజే ఈ విమానం మొదటి ప్రయాణం!!" అన్నాడు.

అంతే!!...అన్దరూ బిల బిలా మంటూ విమానం లోంచి దిగిపోయారు!!

ఒక ప్ర్ఫేసర్ గారు మాత్రం , తొణక కుండా పేపర్ చదువు కుంటూ, కూర్చునె వున్నాడు !!

"గుడ్! మీ ధైర్యానికి నా జోహారు!" అన్నాడు పైలెట్ !

"ధైర్యమా నా బొందా??!!...ఈ విమానం స్టార్ట్ అవదు, నాకు తెలుసు!!" అన్నాడు ప్రొఫెసర్ జీ!!

11..

అయోమయం" గాడు డిల్లీ వెళ్లి , కుతుబ్ మినార్ చూడటానికి వెళ్ళాలను కున్నాడు !!

కానీ దారి తెలియక, ఒక పోలీస్ వాడీ వద్దకు వెళ్లి ..."అయ్యా!!కుతుబ్మినార్ కి వెళ్లాలి, కొంచం ఎలా వెళ్ళాలో చెబుతారా??" అని అడిగాడు .

"నువ్వు ఒక పని చెయ్యి ..ఇక్కడె నించో 46 వ నంబర్ బస్ వస్తుంది, అది నిన్ను డైరెక్ట్ గా కుతుబ్ మినార్ తీసుకుని వెళుతుంది!!" అన్నాడు పోలీసు.

"చాలా థెంక్స్ అండీ!" అన్నాడు "అయోమయం"

................................

...................................ఒక మూడు గంటల తరువాత !!

పోలీసు ఆయన తన బండి మీద ,పనులన్నీ చూసుకుని తిరిగి వస్తున్నాడు !!

ఆశ్చర్యం!! "అయోమయం" గాడు ఇంకా అక్కడె నించుని వున్నాడు!!

"ఏమిటీ ఇంకా వెళ్ల లేదా...చెప్పానుగా 46 వ నంబర్ బస్ ఎక్కమనీ??!" అన్నాడు 

"అదే సార్ నేను చూస్తూనె వున్నాను లెండి .....ఇప్పటికి 39 బస్సు లే వెళ్ళాయి ....46 వ డి రాగానే ఎక్కేస్తాను!!" అన్నాడు "అయోమయం"గాడు.

12..

ప్రశ్న 1: భీముడు బకాసురుణ్ణి ఎలా చంపాడో 5 వరుసలకు మించకుండా వివరింపుడు? (5 మార్కులకు)

జవాబు: భీముడు బకాసురుణ్ణి గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది …చంపాడు.

13..

నమ్మకం.

ఏ మ్ ఎస్ నారయణ (కాషిఎర్) మేనేజర్ బ్రహ్మానందంతో 

సారూ. ఇక్కడ ఒకడు బ్యాంకు దోచుకోనడికి ఒకడు వచ్చేడు ,గన్ మర్చిపోయ్డు ట

ఏమి చెయ్యాలి.

కొంచెం కస్టమర్ అంటే నమ్మకం ఉండాలి , తొక్కలో గన్ రేపు తెస్తాడు ...

ముందు డబ్బు అంతా ఇచ్చి వెయ్యి అన్నాడునమ్మకం.

ఏ మ్ ఎస్ నారయణ (కాషిఎర్) మేనేజర్ బ్రహ్మానందంతో 

సారూ. ఇక్కడ ఒకడు బ్యాంకు దోచుకోనడికి ఒకడు వచ్చేడు ,గన్ మర్చిపోయ్డు ట

ఏమి చెయ్యాలి.

కొంచెం కస్టమర్ అంటే నమ్మకం ఉండాలి , తొక్కలో గన్ రేపు తెస్తాడు ...

ముందు డబ్బు అంతా ఇచ్చి వెయ్యి అన్నాడు బ్రహ్మానందం. 

14..

జంధ్యాల మచ్చుతునకలు

భర్త భార్యను ప్రేమించే పద్ధతికి, భార్య భర్తను వేదించే పద్ధతికి సరైన నిర్వచనం :- పెళ్ళయ్యే క్షణం దాకా ఆడది బెల్లం ముక్క - ఆ క్షణం నుంచి అదే ఆడది అల్లంచెక్క, నీ పీకనొక్క

మొక్కుబడికి బుక్కులన్నీ చదివినా కుక్కగొడుగు మొక్కలా, చెదలు కొట్టేసిన చెక్క ముక్కలా, కుక్క పీకేసిన పిచ్చి మొక్కలా, బిక్క మొహం వేసుకొని, వక్క నోట్లో కుక్కుతూ బొక్కుతూ డెక్కుతూ చుక్కలు లెక్క పెడుతూ, ఇక్కడే ఈ ఉక్కలో గుక్కపెట్టి ఏడుస్తూ, ఈ చుక్కల చొక్కా వేసుకొని డొక్కు వెధవలా గోళ్ళు చెక్కుకుంటూ నక్కపీనుగులా చక్కిలాలు తింటూ, అరటి తొక్కలా, ముంగిట్లో తుక్కులా, చిక్కు జుట్టు వేసుకొని ముక్కు పొడి పీలుస్తూ, కోపం కక్కుతూ, పెళ్ళాన్ని రక్కుతూ, పెక్కు దిక్కుమాలిన పనులు చేస్తూ, రెక్కలు తెగిన అక్కుపక్షిలా నక్కినక్కి ఈ చెక్క బల్ల మీద బక్క చిక్కి ఇలా పడుకోకపోతే --- ఏ పక్కకో ఓ పక్కకు వెళ్ళి పిక్క బలం కొద్దీ తిరిగి, నీ డొక్క శుద్ధితో వాళ్ళని ఢక్కాముక్కీలు తినిపించి, నీలక్కు పరీక్షించుకుని ఒక్క చక్కని ఉద్యోగం చిక్కించుకొని, ఒక్క చక్కటి అడ్వాన్సు చెక్కు, చెక్కు చెదరకుండా పుచ్చుకుని తీసుకురావచ్చు కదరా తిక్క సన్నాసి.

శ్రీకృష్ణ దేవరాయలు వంటి మహారాజు, కళా హృదయుడు తన మహామంత్రికి "అప్పాజీ" అని పేరు పెట్టుకున్నాడంటే.... అప్పు ఎంత విలువైనదో గ్రహించండి. ఇంగ్లీషులో కూడా "డౌన్" కంతే "అప్" ఉన్నతమైనది కాదా?

డబ్బు పెరిగినా, జబ్బు పెరిగినా ఆ తేడా ముఖంలోనే తెలుస్తుంది.

కుంతీ సెకండ్ సన్ బూన్… అదే భీమవరం…

గారెన్‌కర్రీ… అదేనమ్మ తోటకూర

15..

పరిశీలన

ఆరోజు కాబోయే డాక్టర్లకు శరీర నిర్మాణం (అనాటమీ) గురించి ఆ ప్రొఫేసర్ గారు క్లాసు తీసుకుంటున్నారు. 

"మీరు దేనిని అసహ్యంచుకోకూడదు. ఇది మొదటి సూత్రం" అని ఎదురుగా బల్లమీద ఉన్నశవానికి గుడ్డ తొలగించాడు.

శవం రసాయినాలలో నుండి తీసుకువచ్చారు కాబోలు నిగనిగలాడుతోంది. 

"ఇప్పుడు మీరు అందరూ దీని నొట్లో ఇలా వేలుపెట్టి ఆ వేలును మీ నోట్లో పెట్టుకోండి. "

అందరూ ఒకరు తరువాత ఒకరు అలాగే చేశారు. 

"ఇప్పుడు రెండో సూత్రం. మీరు ప్రతీది నిశీతంగా పరిశీలించాలి. 

మీరు నన్ను చూడలేదు. నేను చూపుడు వేలు శవంనోట్లో పెట్టి మద్య వేలు నోట్లో పెట్టుకున్నాను. "

16..

"డాక్టర్ గారు!!మీరు భలే నర్స్ ని పెట్టుకున్నారు !! ఆవిడ చెయ్యి తగలగానే రోగం ఇట్టె తగ్గిపోయింది!!!!" అన్నాడు "దర్వేష్"!

"అవును!! నాకూ, "చెళ్" అని శబ్దం వినిపించింది !!" అన్నాడు డాక్టర్ !!

Saturday, July 19, 2014

నన్ను మాత్రం లేపొద్దు.

మీరు పొద్దున్నే లేచి

ముగ్గురిని నిద్ర లేపండి.

వాళ్ళ ముగ్గురిని

మరో ముగ్గురిని లేపమనండి...

ఇలా బద్దకాన్ని

భారతదేశం నుండి తరిమేయవచ్చు.

గమనిక :

నన్ను మాత్రం లేపొద్దు.

ఇంట్లో కూర్చున్న నన్ను వరండాలోకి రప్పించి వీక్షకునిగా మార్చే చినుకుల అద్భుత మాయాజాలమే వర్షం

 ఇంట్లో కూర్చున్న నన్ను 

వరండాలోకి రప్పించి 

వీక్షకునిగా మార్చే చినుకుల 

అద్భుత మాయాజాలమే  

Friday, July 18, 2014

సుమతి శతకము...

సుమతి శతకము...

.పెట్టిన దినముల లోపల

నట్టడవులకైన వచ్చు నానార్థములన్

బెట్టని దినములఁ గనకపు

గట్టెక్కిన నేమిలేదు గదరా సుమతీ..

.

పూర్వజన్మమున తాను దానమిచ్చిన ఫలం వలన

 అర ణ్యమధ్యనున్నప్పటికినీ సకలపదార్దములు కలుగును.

పూర్వజన్మమున దానమీయకున్నచో తాను బంగారుకొండ నెక్కినను ఏమియు లభించదు.("యద్దాతా నిజ ఫాలపట్ట లిఖితమ్"అనుశ్లోకమున కనుకరణము).

సుమతి శతకము.

.ఎప్పుడు దప్పులు వెదకెడు

నప్పురుషునిఁ గొల్వఁగూడ దది యెట్లన్నన్

సప్పంబు పడగ నీడను 

గప్పవడించు విధంబు గదరా సుమతీ.

.

ఎప్పుడునూ తప్పులు వెదుకు మనష్యుని సేవించుటకూడదు.ఎందుచేతననగా,కప్ప తన్ను జంపునట్టి పాముయొక్క పడగ క్రింద నివసించిన నెంత హానికరమో ఆ సేవకుని స్థితి కూడా అంతే హానికరము.

.ఏఱకుమీకసుగాయలు

దూఱకుమీ బంధుజనులఁ,దోషము సుమ్మీ! 

పాఱకుమీ రణమందున, 

మీఱకుమీ గురువులాజ్ఞ,మేదిని సుమతీ.

.

లేతకాయలను కోయరాదు.చుట్టములను నిందింపరాదు. యుద్ధమునందు పాఱిపోరాదు.గురువుల ఆజ్ఞను అతిక్రమించరాదు..

.

కమలములు నీట బాడినఁ

గమలాప్తునిరశ్మిసోకి కమలిన భంగిన్

శమ తమ నెలవులు దప్పినఁ

దమ మిత్రులు శత్రులౌట తథ్యము సుమతీ.

.

.కమలములు తమ స్థానమగు నీటిని వదిలిన యెడల తమకు మిత్రుడగు సూర్యుని వేఁడిచేతనే వాడిపోవును.అట్లే ఎవరుగాని తమ తమ యునికిపట్లు విడిచినచో తమ స్నేహితులే విరోధులగుట తప్పదు.

Thursday, July 17, 2014

ఊరికే కొలను నీరు ఉలికి ఉలికి పడుతుంది

సాహిత్యం : దేవులపల్లి కృష్ణశాస్త్రి

ఊరికే కొలను నీరు ఉలికి ఉలికి పడుతుంది

ఓరగా నెమలి పింఛమార వేసుకుంటుంది

ఎందుకో ఎందుకో ప్రతి పులుఁగు యేదో చెప్పబోతుంది

వనములో చెట్టు చెట్టు కనులు విప్పి చూస్తుంది

ఉండుండీ నా ఒళ్ళు ఊగి ఊగి పోతుంది

 .ఇదీ అద్భుతమమే బాపూరమణ గార్ల సంపూర్ణ రామాయణం లో kv మహదేవన్ పండించిన పాట ...https://www.youtube.com/watch?v=tw4aTlg0gLU&hd=1

అదిగో రామయ్య! ఆ అడుగులు నా తండ్రివి

ఇదుగో శబరీ! శబరీ! వస్తున్నానంటున్నవి

కదలలేదు వెర్రి శబరి ఎదురు చూడలేదని

నా కోసమే నా కోసమే నడచి నడచి నడచి

నా కన్నా నిరుపేద నా మహరాజు పాపం అదుగో

అసలే ఆనదు చూపు ఆ పై ఈ కన్నీరు

తీరా దయచేసిన నీ రూపు తోచదయ్యయ్యో

ఏలాగో.. నా రామా.. ఏదీ ఏదీ ఏదీ

నీల మేఘమోహనము నీ మంగళ రూపము

కొలను నడిగి తేటనీరు.. కొమ్మ నడగి పూల తేరు

గట్టు నడిగి.. చెట్టు నడిగి.. పట్టుకొచ్చిన ఫలాలు.. 

పుట్ట తేనె రసాలు

దోరవేవో కాయలేవో ఆరముగ్గినవేవో గాని

ముందుగా రవ్వంత చూసి విందుగా అందీయనా...

విందుగా అందీయనా

శ్రీకృష్ణ లీలలు – యమళార్జున భంజనమ్

శ్రీకృష్ణ లీలలు – యమళార్జున భంజనమ్

.

శ్రీమద్భాగవతము లోని కథ

.

అల్లరి నల్లనయ్య తల్లిమీద కినుకబూని దధిభాండమును పగులగొట్టాడు. పొరుగింటిలో దూరి ఱోలు తిరగవేసి దానిమీదకెక్కి ఉట్టిమీదనున్న వెన్నను తీసి ఒక కోతికి ఇచ్చాడు. ఇటువంటి అల్లరి పనులు చేస్తున్న దొఱదొంగను చూచి యశోద “కన్నయ్య! నీవింతవరకూ ఎవరికి చిక్కలేదనీ ఎవరూ నీ ముద్దుమోము చూచి నిన్ను శిక్షించలేదనీ బొత్తిగా అదురూ బెదురూ లేకుండా అల్లరి పనులు చేస్తున్నావు. ఇవాళ ఎలా తప్పించుకుంటావో చూస్తాను” అని అన్నది. బెత్తం తెచ్చి కొడుకును బెదిరించడానికి వచ్చిన యశోద తన మదిలో ఇలా అనుకున్నది “ఇతడు పసివాడు అనుకొందామంటే కనీవినీ ఎఱుగని అత్యబ్ధుత కార్యాలు చేస్తున్నాడు. బెదిరించి బుద్ధులు నేర్పుదామనుకుంటే తనంతట తానే బుద్ధిగా ఉంటున్నాడు. అలాగని వీడు చూడని చోటులేదు ఎక్కరలేని విషయములేదు. భయము అంటూ ఒకటుందని వీడికి తెలీనేతెలియదు. నాన్నా! సాహసాలు మానరా! ప్రమాదమురా! అని చెప్పినా వినడు”. ఇలా పరిపరి విధాల తలచి ఆ యశోద చివరికి “అతి గారాబము చేస్తే పిల్లలు బాగా చెడిపోతారు. అప్పుడప్పుడు నయానో భయానో మంచి గుణాలు అలవాటు చేయాలి. దుడుకుగల పిల్లలకు దండోపాయమే మంచిది” అనుకుని ఆ మాయలయ్యను బెత్తంతో జళిపించింది.

శ్రీకృష్ణుడు భయపడినట్టు నటించి ఱోలు మీదనుంచి అందెలు ఘల్లుఘల్లుమని మ్రోగుతుండగా అతివేగముగా పారిపోయాడు. ఆ తల్లి బాలకృష్ణుని వెనకాల పరుగులెట్టింది.

తనను పట్టుకోలేక అలసిపోయిన తల్లిని చూసి జాలిపడి ఆ పరమాత్మ ఆమెకు దొరికిపోయాడు! పరమయోగీశ్వరులకు సంయములకు మునులకు దొరకని ఆ భగవంతుడు భక్తురాలైన యశోదకు దొరికిపోయాడు. కన్నతండ్రిని పట్టుకున్నదే కానీ కొట్టడానికి చేతులు రాలేదు ఆ తల్లికి. యశోదాదేవి శరీరము స్వభావముకూడా పువ్వువలె మెత్తనివి. బిడ్డ మీద జాలితో దండించలేక త్రాటితో ఱోకటికి (ఉలూఖలమునకు) కట్టివేయాలనుకొన్నది. ఒక పెద్ద త్రాడు తీసుకువచ్చి ఆ బాలకృష్ణుని గట్టిగా కట్టబోయింది. కాని ఆ త్రాడు రెండంగుళాలు తక్కువయ్యింది. మరొక త్రాడు దానికి జతచేసినా మళ్ళీ రెండంగుళాలు తక్కువైనది. యశోద ఇంటిలోనున్న త్రాళ్ళన్నీ జతచేసినా ఆ నల్లనయ్య సన్నటి నడుమును చుట్టలేకపోయింది. ముజ్జగాలు దాగివున్న ఆ చిరు బొజ్జను కట్టుట ఎవరితరము? అలసిపోయిన తల్లిపై జాలిపడి నందకిశోరుడు కట్టుబడిపోయాడు. భక్తులకు పట్టుబడినట్టుగా భగవంతుడు జ్ఞానులకుగానీ మౌనులకుగానీ దానపరులకుగానీ యోగీశ్వరులకుగానీ పట్టుబడడుగదా!

యశోదాదేవి శ్రీకృష్ణుని ఇలా ఱోటికి కట్టివేసి ఇంటిపనులలో మునిగిపోయింది. బాలకృష్ణుడు ఆ ఱోలు ఈడ్చుకుంటూ పెరట్లో చాలాకాలముగా శాపగ్రస్తులై మద్దిచెట్లుగా ఉన్న నలకూబర మణిగ్రీవుల దగ్గరకువెళ్ళి వారిని కరుణించదలచి ఆ రెండు చెట్ల మధ్యనుంచి రోటిని లాక్కుంటూ వెళ్ళాడు. దానితో ఆ యమళ అర్జున వృక్షాలు కూలిపోయినాయి. అందునుంచి దిఙ్మండలము ప్రకాశింపచేయు ఇద్దరు అగ్నితుల్యులగు దివ్య పురుషులు వచ్చి స్వామిని స్తుతించి అతని అనుజ్ఞతీసుకుని కర్తవ్యొన్ముఖులై వెళ్ళిపోయారు

Wednesday, July 16, 2014

శ్రీకరమురామనామము

Jaganatha Iragavaram గారి కవిత

ఉత్పలమాల

శ్రీమతి సీత రామునికి శ్రీమతి యవ్వగమిథిల లోపలన్

శ్రీమత మొచ్చెనార్యజనశ్రీసతులందఱు సౌఖ్యమొందగా

శ్రీమతి పెంపు పొందెనిటశ్రీమతులైవిలసిల్లిరందఱున్

శ్రీమతి పూజ జేయుదముశ్రీసతులందఱుకూడిరండికన్

......

.........

కందము

శ్రీరామునిపరిణయమే

శ్రీరమణీసీతతోడశ్రీకరమవగన్

విరిజల్లుకురిసెమిథిలలొ

నరసురవరాయక్షగణమునానందింపన్

,,,,,,,

కందము

శ్రీకరమురామనామము

శ్రీకరమాసరయుతటినశ్రీనగరంబున్

శ్రీకరముసీతసన్నిధి

శ్రీకరామాహనుమశక్తిశ్రీరఘురామా

..........

కందము

శతయోజనములసంద్రము 

నతిశీఘ్రము దాటి రామ నామపు మహిమన్ 

సీతను జూసిన ఘనుడౌ 

వాతాత్మజుహనుమసాటి వారలుగలరే కందము

శ్రీరామునిపరిణయమే

శ్రీరమణీసీతతోడశ్రీకరమవగన్

విరిజల్లుకురిసెమిథిలలొ

నరసురవరాయక్షగణమునానందింపన్

సుందర కాండ శ్లోకము - వివరణ


సుందర కాండ శ్లోకము - వివరణ

శ్లో - చతుర్ణామేవ హి గతిర్వానరాణాం మహాత్మనాం

వాలి పుత్రస్య నీలస్య మమ రాజ్ఞశ్చ ధీమతః

తా - లంకకు రాగలుగుటకు నలుగురికే సాధ్యము. వాలి పుత్రుడైన అంగదుడు, నీలుడు, బుద్ధిశాలి యగు మా ఏలిక సుగ్రీవుడు మరియు నేను (ఆంజనేయ స్వామి)

వివరణ - ఆంజనేయ స్వామివారు సీతాన్వేషణకై పయనమై త్రికూట పర్వత శిఖరం మీద లంకా నగర ప్రాకారాన్ని చేరుకుంటాడు. దుర్భేద్యమైన లంకను చూసి హనుమంతుడు, దీన్ని దేవతలు కూడా జయించలేరు... ఈ నగరాన్ని చేరుకునే వారిలో పైన వివరించిన నలుగురు మాత్రమే రాగలరు అనుకుంటారు...

వ్యాఖ్యానము - జీవాత్మ అరిషడ్వర్గములచే బంధింపబడి ఉంటుంది. ఆ బంధము నుండి జీవుడిని విముక్తి చేసి తిరిగి పరమాత్మను చేర్చు వాడు ఆచార్యుడే... గురువు ద్వారానే ఈ కార్యము సాధ్యమవుతుంది. ఇక్కడ సీతమ్మ జీవాత్మ... రాముడు పరమాత్మ... రావణుడు అరిషడ్వర్గములు...ఆచార్యుడు ఆంజనేయ స్వామి...రావణుని సర్వ నాశనం చేసి సీతమ్మను రాముని చేర్చు వాడు ఆంజనేయుడు. అనగా అరిషడ్వర్గముల బంధము నుండి జీవాత్మను తప్పించి భగవంతుని చేర్చు వాడు ఆచార్యుడు.

ఇక్కడ మారుతి, నలుగురము మాత్రమే లంకకు రాగలమన్నాడు. వారు అంగదుడు, నీలుడు, సుగ్రీవుడు మరియు తాను... ఇందులో అంగదుడు శక్తి... నీలుడు యుక్తి... సుగ్రీవుడు భక్తి... అంగదుడు ఒకే లంఘనములో శత యోజనముల సముద్రమును దాటి లంకలోనికి ప్రవేశించగలడు... తిరిగి రావడానికి శక్తి పున్జుకోవలసి ఉంటుంది. అది వేరే విషయం. అందు వలన శక్తి ద్వారా అంగదుడు లంకను చేరగలడు. నీటిలో రాయి పడవేస్తే తేలే శక్తి నీలుడుకి ఉంది. అందుచేత లంకకు వారధి నిర్మించి రాగలడు. అనగా యుక్తితో లంకను చేరగలడు. ఇక సుగ్రీవుడు భక్తికి ప్రతీక... వాలి నుండి తన భార్య రుమను, కిష్కింధ సామ్రాజ్యమును రాముడు ఇప్పించినందుకు ఆయనకు విధేయుడయ్యాడు.. కాబట్టి రాముని విధేయుడుగా ఆతను కూడా లంక చేరగలడు. అయితే ఈ మువ్వురిలో ఎవ్వరు కూడా రాక్షసులను తప్పించుకుంటూ సీతాన్వేషణ గావించే శక్తి లేని వారు... వివిధ రూపాలు ధరించి షష్టిర్యోజన విస్తీర్ణమైన లంకలో తిరగగలిగిన శక్తి ఒక్క మారుతికే ఉంది... కాబట్టి జీవాన్వేషణ, అరిషడ్వర్గ బంధ విముక్తి ఒక్క ఆచార్యునికే ఉంటుందని సద్గురువులు ఈ శ్లోకము ద్వారా మనకు తెలియజేస్తున్నారు...

సర్వే జనాః స్సుఖినో భవంతు

భార్యతో మాట్లాడ్డం యెలా?

భార్యతో మాట్లాడ్డం యెలా?

(నిఝంగా వొట్టు నాకూ తెలవదు. కానీ రాయడానికి తెలవక్కరలేదు అని మాత్రం తెలుసు)

ఓప్పుడు అంటే చాలా చాలా కాలం కిందట - ఓ సినిమాలో చెప్పినట్టు 'లాంగ్ లాంగ్ ఎగో సో లాంగ్ ఎగో నో బడీ కెన్ సే హౌ లాంగ్ ఎగో' అన్నమాట. అంతకాలం క్రితం నేను మా ఆవిడతో బోలెడు బోలెడు మాట్లాడేవాడిని. పెళ్ళికి ముందు మాట్లాడడానికి వీలుండేది కాదు కాబట్టి ఎక్సర్ సైజ్ పుస్తకాల్లో ఉత్తరాలు రాసేవాడిని. అవన్నీ మా ఆవిడ పుట్టింటి అరణంగా ఇప్పటికీ అపురూపంగా దాచి పెట్టుకుంది. అలాటివాడిని ఏమైందో ఏమిటో అసలు మాట్లాడడమే మానేసాను. ప్రపంచం పెరిగిపోయి పెళ్ళాంతో అచ్చట్లు ముచ్చట్లు తగ్గిపోవడం పెద్ద అబ్బురమేం కాదు. కానీ బొత్తిగా మాటలు లేకపోతే ఎల్లా. అల్లా ఆలోచించి ఆలోచించి ఎల్లాగైనా సరే మళ్ళీ పాతకాలం మాటా ముచ్చట్ల కాలంలోకి వెళ్లాలని టైం మిషన్ ఎక్కాను. దిగి చూసేసరికి మొత్తం సీనే మారిపోయింది. అరవ తెలుగు సీరియల్ చూస్తూ మా ఆవిడా సమస్త ప్రపంచాన్ని మరచిపోయి అందులో లీనమై వుంది. కల్పించుకుని మాట్లాడబోతే, 'వుండండి అత్త కోడలికి విషం కలిపిన కాఫీ ఇచ్చి ఇప్పటికి మూడు వారాలయింది ఇంతవరకు తాగి చావలేదు. మీ ముచ్చట్లు ఏవో మధ్యలో ప్రకటనలు వస్తున్నప్పుడు చెప్పండి' అనేసింది. ఓహో! మాంత్రికుడి ప్రాణం మర్రి చెట్టు తొర్రలో దాక్కున్న చిలకలో వున్నట్టు మా ఆవిడ వీక్ నెస్ ఎక్కడ వుందో తెలిసిపోయింది. అక్కణ్ణించి వరసపెట్టి రెండో గదిలో వున్న రెండో టీవీలో అరవ తెలుగు హిందీ సీరియళ్లన్నీ ఏకధాటిగా చూడ్డం మొదలు పెట్టి, మా ఆవిడతో మాటలు కలిపి చూసాను. ఈ చిట్కా అమోఘంగా పనిచేసింది. జీడిపాకం కధలే కాబట్టి తోచినట్టు కధ అల్లి, జరిగిందీ జరగబోయేది వూహించి చెబుతుంటే మా ఆవిడ చెవులొప్పగించి వినడం మొదలెట్టింది. ఆ తరువాత నేను ఏ కబుర్లు చెప్పినా తల వూపడం ఆవిడ వొంతయింది. 

చట్టబద్ధ హెచ్చరిక: ఇలాటి చిట్కాలు ఎల్లకాలం ఎల్లరు భార్యల దగ్గర పనిచేయకపోవచ్చు. అందరూ మా ఆవిడ లాంటి గంగి గోవు రకాలు కాకపోవచ్చు కదా!

http://bhandarusrinivasarao.blogspot.in/

Courtesy..Srinivasrao Bhandaru...

x